کابل (پژواک، ۲۲ تله ۱۴۰۴): د افغانستان کرکټ ملي لوبډله چې د درېیو یو ورځنیو نړۍوالو سیالیو (ODI) په لړ کې یې دوه پرلهپسې بریاوې ترلاسه کړې دي، نن له بنګلهدېش سره خپله درېیمه او وروستۍ لوبه ترسره کوي.
د افغانستان کرکټ بورډ ویلي چې د هېواد کرکټ ملي لوبډله به نن د افغانستان پر وخت د مازدیګر څلورنیمې بجې د اتصالات جام یو ورځنیو سیالیو لوبلړۍ په درېیمه لوبه کې له بنګلهدېش سره د سیالۍ ډګر ته ښکته شي.
کرکټ بورډ زیاتوي، افغان لوبډلې د بنګلهدېش پر وړاندې د درېیمې یو ورځنۍ نړۍوالې لوبې لپاره د چمتووالي په موخه تمرینات ترسره کړي او د سیالۍ لپاره بشپړ چمتووالی لري.
دغه سیالي د متحده عربي اماراتو د ابوظبۍ په زاید کرکټ لوبغالي کې ترسره کېږي.
افغان لوبډلې د دې سیالۍ په لومړۍ او دویمه لوبه کې بنګلهدېش ته ماتې ورکړې او نن هڅه کوي چې د درېیمې بریا په ترلاسه کولو سره دا لوبلړۍ په بشپړه توګه خپله کړي.
د یادونې ده چې دا لوبه نه یوازې د لړۍ د ګټلو اهمیت لري، بلکې د نړۍوالو یو ورځنیو سیالیو د درجهبندۍ (رنکینګ) په لوړولو کې هم مهم رول لوبولی شي.
GET IN TOUCH
NEWSLETTER
SUGGEST A STORY
PAJHWOK MOBILE APP