د کرکټ نړۍوالې شورا د افغانستان ټېسټ لوبډله جریمه کړې

<p style="text-align: justify;">کابل (پژواک، ۲ لړم ۱۴۰۴): د کرکټ نړۍواله شورا وایي چې د افغانستان د کرکټ ټېسټ لوبډله یې له زمبابوې سره په لوبه کې تر ټاکلي وخت د «کرارې» لوبې له امله جریمه کړې ده.</p>

<p style="text-align: justify;">د کرکټ نړۍوالې شورا پرون په یوه <a href="https://www.icc-cricket.com/news/afghanistan-fined-for-slow-over-rate-against-zimbabwe">خبرپاڼه</a> ویلي چې افغان لوبډله د لوبې د فیس ۲۵ سلنه جریمه ورکوي؛ ځکه دوی له زمبابوې سره په لوبه کې له ورکړل شوي وخت څخه پنځه اورونه وروسته پاتې شوې ده.</p>

<p style="text-align: justify;">سرچینې ویلي چې د «ICC» د اصولو له مخې، که یوه لوبډله په ټاکلي وخت د اورونو په لوبولو کې پاتې راشي نو د هر اوور پرسر به د خپل فیس پنځه سلنه د جریمې په توګه ورکوي.</p>

<p style="text-align: justify;">د کرکټ نړۍوالې شورا ویلي چې د افغانستان لوبډل‌مشر په خپله اعتراف کړی او وړاندیز شوې جریمه یې منلي او رسمي غوښتنې ته اړتیا پیدا نه شوه.</p>

<p style="text-align: justify;">دا په داسې حال کې ده چې زمبابوې وړمه ورځ افغانستان ته په ټېسټ لوبه کې ماته ورکړه.</p>