کابل (پژواک، ۲۲ غویی ۱۴۰۵): د افغانستان د فوټبال له ۲۰ کلنو کمعمره ملي لوبډله د مرکزي اسیا د اتلولۍ سیالیو په لړ کې نن خپله لومړۍ لوبه له ترکمنستان سره ترسره کوي.
د افغانستان د فوټبال فدراسیون ویلي چې د هېواد د فوټبال له ۲۰ کلنو کمعمره ملي لوبډله د مرکزي اسیا د اتلولۍ سیالیو کې نن له ترکمنستان سره لوبه کوي.
یاده سیالي د افغانستان پر وخت د غرمې ۱۲ بجې په تاجیکستان کې ترسره کېږي.
د مرکزي اسیا د اتلولۍ سیالۍ د تاجیکستان په کوربهتوب ترسره کېږي چې د افغانستان، ترکمنستان، تاجیکستان، اوزبېکستان او قرغزستان لوبډلې په کې ګډون لري.
