کابل (پژواک، ۱۶ چنګاښ ۱۴۰۵): بلجیم او هسپانیا د امریکا او پرتګال پر وړاندې په بریا سره د ۲۰۲۶ کال فوټبال نړۍوال جام نیمه پایلوبې ته لاره ومونده او اوس به د دغه پړاو په یوه له تر ټولو مهمو سیالیو کې یو د بل پر وړاندې لوبه وکړي.
د ۲۰۲۶ کال فوټبال نړۍوال جام د امریکا، مکسیکو او کاناډا په ګډ کوربهتوب روان دی.
د راپورونو له مخې، د بلجیم ملي لوبډلې په غوره لوبې سره امریکا ته ۴ پر ۱ ماتې ورکړه او د کوربه هېواد د نړۍوال جام سیالیو سفر یې پای ته ورساوه.
د امریکا په حذفېدو سره، د دغه جام درې واړه کوربه هېوادونه؛ امریکا، مکسیکو او کاناډا، د غوره اتو لوبډلو پړاو ته له رسېدو مخکې له سیالیو ووتل.
چارلس ډيکېټلار چې دوه ګولونه یې ووهل، د لوبې غوره لوبغاړی و. د بلجیم نور ګولونه هانس فاناکن او رومېلو لوکاکو ووهل او د امریکا یوازېنی ګول، مالک ټېلمان ترسره کړ.
د امریکا د دروازهساتونکي تېروتنې هم د لوبې په دویمه نیمايي کې د بلجیم د درېیم ګول په ثبتېدو او د امریکا د بېرته راګرځېدو د هیلو په ختمېدو کې مهم رول ولوباوه.
د یو اتمه پایلوبې په بلې سیالۍ کې هسپانیا په یوې نږدې او کمګوله لوبه کې پرتګال ته ۱ پر صفر ماتې ورکړه.
د دې لوبې یوازېنی ګول میکل مرینو د لوبې په وروستیو شېبو کې وواهه او د لوئیس د لا فوئنته تر روزنې لاندې هسپانیا یې کوارټر فاینل ته ورسوله.
د مرینو ګول د هسپانیا د بل تعویضي لوبغاړي، فران تورس په همکارۍ ترسره شو او د روزونکي بریالي بدلونونه یې بشپړ کړل. هسپانیا په دې لوبه کې هم خپله دروازه بنده وساتله او د خپلې پیاوړې دفاع په مټ یې د بل پړاو جواز ترلاسه کړ.
دغه ماتې د ۲۰۲۶ کال نړۍوال جام کې د پرتګال د سیالیو پای و او ښايي دا د نړۍوال جام په سیالیو کې د کریسټیانو رونالډو وروستۍ ګډون هم وي.
په دې توګه، بلجیم او هسپانیا د اتو غوره لوبډلو پړاو له بریالي تېرولو وروسته، د ۲۰۲۶ کال نړۍوال جام په کوارټر فاینل کې د یو بل پر وړاندې سیالي کوي؛ هغه لوبه چې د دغه پړاو له مهمو او جذابو سیالیو ګڼل کېږي.
