کابل (پژواک، ۲۴ وږی ۱۴۰۵): د شهید سردار محمد داوود خان د ۴۰۰ بستریز روغتون د مرکزي پوليکلینیک د انډوسکوپي برخې ډاکټرانو د یوه ناروغ له معدې ۳۰ میخونه په بریالیتوب وایستل.
د اردو صحيه قوماندانۍ پر خپله اېکسپاڼه لیکلي، دغه ناروغ چې عصمتالله نومېږي، شاوخوا ۳۰ میخونه تېر کړي وو او د انډوسکوپي متخصصې ډلې د هغه د ژوند ژغورلو او جدي عوارضو د مخنیوي په موخه ټول میخونه په ډېر دقت له معدې څخه وایستل.
سرچینې زیاته کړې چې ناروغ د دغه پروسیجر د بریالي ترسره کېدو له امله له روغتیايي ډلې مننه کړې ده.
