طبیعي پېښو ته د رسېدو په چارو کې د دولت وزارت وايي، روانه کب میاشت کې د هېواد په کچه د ورښتونو او سړې هوا له امله ۸۳ کسانو ته د مرګژوبلې اوښتو ترڅنګ څه باندې ۱۷۷ زره څاروي تلف او تر زرو ډېر کورونه ویجاړ شوي دي.
د فراه د کرنې ریاست وايي چې وروستیو ورښتو او سړې هوا په دغه ولایت کې د شنو خونو نږدې نیمايي فصلونه له منځه وړي دي.
د بامیان ځایي مسوولین وايي چې د دغه ولایت ځینې مواصلاتي لارې د واورې ښویېدو او سخت توپان له امله د لنډ وخت لپاره د ترافیکو پر مخ تړل شوې دي.
د سالنګونو د ساتنې او څارنې مسوولین وایي چې د سالنګ لویه لار د واورې او بادونو له امله دترافیکو پر مخ وتړل شوه.
د اوبو او برېښنا وزارت دوو راتلونکو ورځو کې نسبتاً د سختو واورو او بارارنونو ورېدو، د سېلابونو راوتلو او د هېواد په ځينو سیندیزو حوزو کې د سیندونو اوبو کچې لوړېدو خبر ورکړی دی.
د غزني امنیه قومانداني وایي، د دغه ولایت په لومړۍ امنیتي حوزې سیمه کې د ترافیکي پېښه له امله دوه کسان مړه شوي او یو بل ټپي دی.
فاریاب کې ځايي سرچینې وايي، د دغه ولایت په خواجهسبزپوش او المار ولسوالیو کې دوو جلا ترافیکي پېښو له امله نهه کسان ټپیان شوي دي.
چارواکي وايي، کندهار ولایت کې د دېوال او په زابل کې د چت پرېوتو پېښو کې دوو ماشومانو ژوند بایللي دي.
حکومتي مسوولین وايي چې په ننګرهار او غزني ولایتونو کې د ترافیکي پېښو له امله اوو کسانو ته مرګژوبله اوښتې ده.
د اروزګان ـ کندهار لویه لار د ډېرې واورې ورېدو له امله د ترافیکو په مخ وتړل شوه.
د اوبو او برېښنا وزارت د راتلونکو درېیو ورځو لپاره د هېواد په ځینو سیندیزو حوزو کې د ورښتونو، نسبتاٌ سختې واورې ورېدو، سېلابونو له راوتلو او د سیندونو د اوبو کچې له لوړېدو خبر ورکړی دی.
د لغمان ولایت د طبیعي پيښو پر وړاندې د مبارزې او چمتووالی ریاست وایی، چې د مهترلام ښار په یوه کور کې د اور لګېدنې له امله درېیو کسانو ته مرګ ژوبله اوښتې ده.
د بلخ ځایي مسوولین وایي چې په شمالي ولایتونو کې د واورې وریدو او سړې هوا له امله شل کسان مړه او شاوخوا ۵۰ زره څاروي تلف شوي دي.
د سمنګان – بغلان پر لاره د یوې ترافیکي پېښې له کبله یو تن مړ شوی او ۷ نور ټپیان شوي دي.
ځايي مسوولين وايي، د خوست ښار پر بېلابېلو څلور لارو لګېدلي ترافيکي څراغونه فعال شول چې له مخې به يې تر يوه حده ترافیکي نظم رامنځته شي.
د ۲۰۹ الفتح قولاردو مسوولین وایي چې په شمالي ولایتونو کې یې د واورې ورښت پر مهال سلګونه کسان او څه باندې ۶۰۰ زره څاروي له تلف کېدو ژغورلي دي.
سيمهییز مسوولین وایي، د غزني مرکز اړوند د کابل - کندهار پر لویه لار د ترافیکي پېښې له امله اته کسان مړه او ۳۰ نور ټپیان شوي دي.
د هلمند سیمهییز مسوولین وايي، دغه ولایت کې د وروستیو ورښتونو له امله اتو کسانو خپل ژوند له لاسه ورکړی او څه باندې ۲۰۰ کورونه زیانمن شوي دي.
د غزني د ناور ولسوالۍ یو شمېر اوسېدونکي شکایت کوي چې له تېرو دوو اونیو راهیسې د دې ولسوالۍ لارې د واورې ورښت له امله تړل شوې چې لا هم تړلې پاتې دي.
د باغیس ځايي مسوولین وايي چې د وروستیو ورښتونو، سړې هوا او څاریو ته د خوراکي توکو کمښت له امله د دغه ولایت په مرکز او ولسوالیو کې نږدې ۶۰ زره څاروي له منځه تللي دي.
د بغلان په مرکزي بغلان، دهنهغوري او تالهوبرفک ولسوالیو کې د وروستیو ورښتونو او سړې هوا له امله تر اوسه څه کم اوه زره څاروي له منځه تللي دي.
د نورستان ولايت د ټولګټو چارو رياست مسوولين وايي، د کونړ – نورستان لويه لار چې څلور ورځې مخکې د واورې ډېر ورښت له امله تړل شوې وه، بېرته د ترافيکو پر مخ پرانیستل شوه.
په ختيځ کې د ۲۰۱ خالد بن وليد قول اردو وايي، د ننګرهار پچيراګام ولسوالۍ کې په واورو کې بند پاتې ۵۰ کسان يې ژغورلي دي.
