نوښت او ټکنالوجي

د مخابراتو او معلوماتي ټکنالوجۍ وزارت وایي چې د دغه وزارت اړوند د مخابراتي خدمتونو د تنظیم ادارې «اترا» د څه باندې ۱۳ میلیونه ډالرو په لګښت له کورنيو شرکتونو سره د ۱۴۹ مخابراتي سایټونو د جوړېدو تړون لاسلیک کړ.

د غور ځایي مسوولینو د دغه ولایت د مرکز فیروزکوه ښار مربوطاتو کې د یوه مخابراتي سایټ له فعالېدو خبر ورکړی او وایي چې په دې سره به ۲۴ زره کورنۍ له باکیفیته مخابراتي خدماتو برخمنې شي.

د افغانستان د مخابراتو او معلوماتي تکنالوجۍ وزارت وایي، یو داسې سیسټم یې جوړ کړی چې هیڅوک نه شي کولای په جعلي پېژندپاڼو سیمکارت ترلاسه او ثبت کړي.

د مخابراتو او معلوماتي ټکنالوجۍ وزارت سرپرست ویلي چې د پکتیکا ولایت په ځینو سیمو کې ۲۵ مخابراتي سایټونه جوړیږي.

افغان پوسټ دولتي شرکت د بهرنیو چارو او پوهنې له وزارتونو او د احصایې او معلوماتو له ملي ادارې سره د دوه اړخیزو همکاریو هوکړه‌لیکونه لاسلیک کړل.

د راپورونو له مخې، په ټوله نړۍ کې د انټرنېټ پراخه پرچاوي د دې لامل شوې چې د ګڼ شمېر بانکونو، هوايي شرکتونو او خپرنیزو ادارو ورځنۍ چارې په ټپه ودرېږي او له ځنډ سره یې مخ کړي.

د مخابراتو او معلوماتي ټکنالوجۍ وزارت وایي چې په تېرو شاوخوا دوه‌نیمو کلونو کې ۱۰ میلیونه سیمکارتونه په قانوني ډول ثبت او راجستر شوي دي.

د دایکنډي ولایت د پاتو ولسوالۍ ځيني اوسېدونکي مخابراتي خدماتو ته د نه لاسرسي له امله شکایت کوي او وایي، د ټیلیفوني اړیکو ټینګولو برخه کې له جدي ستونزو سره مخ دي.

د احصایې او معلوماتو ملي اداره وايي، د آذربایجان آسان خدمت مسوولینو د افغانستان له آسان خدمت سره د معیاري خدمتونو وړاندې کولو او تخنیکي برخو کې د همکاریو ژمنه وکړه.

د هرات ځيني اوسېدونکي وایي، په داسې حال کې چې د انټرنېټي خدمتونو کیفیت ټيټ دی خو بیې یې لوړې دي.

د افغان انجینرانو له لوري د «طوطي» په نوم د اړیکو نیولو نوی جوړ شوی هغه اپليکېشن پرانیستل شو چې د مصنوعي ځيرکتیا پر مټ پرمختللي فعالیتونه په یوه واحد سیسټم کې رانغاړي.

د فراه د مرکز اړوند خرمالق سیمې شاوخوا ۱۵۰۰ کورنۍ شکایت کوي چې مخابراتي خدمتونو ته لا هم لاسرسی نه لري او له امله یې له ګڼو ستونزو سره مخ دي.