لوګر کې د کار او ټولنیزو چارو وزارت له لوري «ځوانانو ته د کاري فرصتونو رامنځته کول» په نوم غونډه کې د دغه وزارت مرستیال وویل، ځوانانو ته کاري فرصتونه رامنځته کول یې لومړيتوب دی.
د لوګر ولایت امنیه قومانداني وايي چې د سوالګرو ټولولو لړۍ به څو ورځې دوام وکړي چې په ترڅ کې به يې د پلعلم ښار او ولسواليو څخه ټول سوالګر راټول شي.
د بلخ سیلو ریاست مسوولین وایي چې له شاوخوا درېیو لسیزو وروسته د دغه ولایت سیلو کې د غنمو زېرمه کولو برخه فعاله شوه او سږ کال به څه باندې ۳۰۰۰ ټنه غنم په کې زېرمه شي.
د اروزګان د چارچینو ولسوالۍ اوسېدونکي شکایت کوي چې د ولسوالي لاره یې خرابه ده او غوښتنه کوي چې د ژمې له راتګ مخکې یې باید د جوړېدو چارې پیل شي.
د بامیان په مرکز کې د دوو کورنیو ترمنځ اته کلنه دښمني د دغه ولایت د والي په منځګړیتوب پای ته ورسېده.
د شهيدانو او معلولينو چارو وزارت وايي چې د روان لمریز کال په تېرو پنځو مياشتو کې د افغانستان په کچه لس میلیارده او ۴۰۹ میلیون افغانۍ کونډو، يتيمانو او معلولينو ته د بانکي سیسټم له لارې وېشل شوې دي.
د لغمان د اقتصاد ریاست مسوولین وايي، په مرکز مهترلام او الیشنګ ولسوالۍ کې یې ۱۸۲ کسانو ته په بېلابېلو برخو کې کوچني کاروبارونه جوړ کړي دي.
د کار او ټولنيزو چارو وزارت مسوولين وايي، هر کال ۲۰ زره کسان له بېلابېلو حرفوي او فني زدهکړو فارغېږي.
افغانستان کې د خوړو نړۍوال پروګرام مسوولینو د کابل له والي سره په لیدنه کې ویلي چې دغه ولایت کې له ۷۱ زره کورنیو سره مرستې کوي.
د جوزجان د سرحدونو، قومونو او قبایلو چارو رییس په روان کال کې په دغه ولایت کې د کورنیو ترمنځ د دښمنۍ د ۴۶ قضیو له پای ته رسېدو خبر ورکوي.
د هند په ممبيي ښار کې د افغانستان کنسولګرۍ افغانانو ته د پاسپورټونو د وېش لړۍ له پیلېدو خبر ورکوي.
د ننګرهار د برېښنا رياست له لوري په دغه ولایت کې د پوروړو پېرودونکو د برېښنا پرېکولو لړۍ پيل شوه او په لومړۍ ورځ یې د سلګونو مېترونو برېښنا پرې کړې ده.
په ننګرهار ولایت کې له څه باندې ۴۰۰ کروندګرو سره د غنمو د اصلاح شوي تخم او په غزني کې له دوه زره یتیمانو او بېوزولو زدهکوونکو سره د ژمنيو توکو مرسته وشوه.
له پېښو سره د مبارزې د چمتووالي ملي اداره وايي چې سږ کال تر اوسه پورې په ټول هېواد کې له لږ تر لږه ۱۳۰ زره کورنیو سره مرسته شوې ده.
د ریاست الوزراء سیاسي مرستیال ویلي، اسلامي امارت پر افغان کادرونو تکیه لري او د ښې روزنې ترڅنګ په دولتي ادارو کې ورته د کاري فرصتونو برابرولو ته هم ژمن دی.
د ننګرهار په روداتو ولسوالۍ کې د دوو کورنيو ترمنځ ۱۴ کلنه دښمني د حکومتي مسوولینو او قومي مشرانو په منځګړتوب حل او فصل شوه.
د جوګیانو قوم د ستونزو او اړتیاوو په اړه د پژواک خبري اژانس د راپور له خپرېدو وروسته د سرحدونو، قومونو او قبایلو چارو وزارت وايي چې د ا.ا د مشرتابه د فرمان له مخې په هېواد کې ټول جوګیان او جټان ثبتیږي.
د افغانستان لپاره د اروپايي ټولنې استازي د اقتصاد وزارت له سرپرست سره لیدنه کې د کرنې په سکټور کې د بشري مرستو او پراختیايي پروژو د ملاتړ لپاره د ۱۰۰ میلیون امریکايي ډالرو ځانګړي کولو ژمنه کړې ده.
د کونړ ولایت په مرکز اسعداباد ښار کې د «افغان تولید» په نوم د کورنیو صنعتي، کرنیزو او سوداګریزو توکو او محصولاتو درېیم ملي نندارتون جوړ شو.
د اطلاعات او فرهنګ وزارت، له «اسلاميک ريليف» مؤسسې سره د ځوانانو د کاري فرصتونو، ظرفيتلوړونې، فکرياصلاح او اقتصادي پياوړتيا برخو کې د ۱۳۱ ميليون افغانيو په ارزښت هوکړهلیک لاسلیک کړی دی.
د ا.ا ویاند د دفتر له لوري د وزارتونو او خپلواکو ادارو له ویاندویانو سره د همغږۍ په جوړه شوې غونډه کې د ریاستالوزرا د دفتر رئیس ویلي، ویاندویان دې د رسنیو له لارې له خلکو سره معلومات شریک کړي څو د «غلطو تبلیغاتو» مخنیوی وشي.
د ننګرهار ولايت د کار او ټولنیزو چارو رياست له لوري ۷۲۰ ځوانانو ته د خياطۍ او چرګانو روزنې وسايل ورکړل شول او دغه راز په يادو برخو کې زدهکړې هم ورکول کېږي.
پنجشېر کې یو شمېر خلک لوړ ولور ته اندېښمن دي او وايي، دې ستونزې د یو شمېر ځوانانو د واده مخه نیولې ده. هغوی له عالمانو غواړي چې د لمانځه په خطبو کې دا ستونزه یاده او د دیني لارښوونو له مخې د ولور کمولو لپاره حللارې وړاندې کړي.
په خوست ولايت کې د داخلي بېځايه شوو کورنيو غړي له حکومته د بشري مرستو د وېش او د ژوند د نورو لومړنيو اسانتياوو برابرولو غوښتنه کوي.
