احمد صهيب حسرت

د کډوالۍ نړۍوال سازمان له پاکستانه د راستنېدونکو وضعیت ته د رسېدنې لپاره د بېړنۍ مرستې او د مناسبو شرایطو تر برابرېدو پورې د هغوی د ایستلو لړۍ درېدو غوښتنه کړې ده.

د افغانستان بهرنیو چارو وزارت «د پاکستان – هند اړیکو کې ترینګلتیا او پر سیمه‌ یې اغېزې» تر سرلیک لاندې په یوه ناسته کې ویلي چې ا.ا ته سیمه‌ییز ثبات او امن مهم دی او هڅه به یې دا وي چې دا شخړه له سوله‌ییزې لارې هواره شي.

په بشري چارو کې د ملګرو ملتونو د سرمنشي مرستیال ټام فليچر په کندهار کې له یوه روغتونه د لیدنې پر مهال د مرستو ځنډولو له تصمیم‌نیوونکو غوښتنه وکړه څو د دغه ولایت یوه روغتون ته ورشي او د مرستو ځنډېدو منفي اغېزې له نږدې وګوري.

د پاکستان د اطلاعاتو وزیر عطاالله طرار ویلي چې د کره معلوماتو له مخې، ښايي هند د راتلونکو ۲۴ تر ۳۶ ساعتونو په اوږدو کې د «پلهګام پېښې په پلمه» د پاکستان پر وړاندې نظامي ګام پورته کړي.

د ملګرو ملتونو سازمان د ښځو برخې یوه نظرپوښتنه ښیي چې افغان ښځې او نجونې د بشري مرستو، معیشت، روغتیا او زده‌کړې خدماتو ته د لاسرسي برخو کې له ستونزو سره مخ دي.

د راپورونو له مخې، د کاناډا په ونکوور ښار کې له دې امله یو شمېر کسان وژل شوي او ”ګڼ شمېر” ټپیان شوي چې یوه موټرچلوونکي ناڅاپه موټر د پليو خلکو پر لور ځغلولی او پر ګڼه‌ګوڼه ورغلی دی.

د اسلامي امارت مرستیال ویاند وایي، په یو شمېر وزارتونو، ادارو او ولایتونو کې نوې ګومارنې شوې دي.

د افغانستان لپاره د ناروې شارژدافیر له پاکستان څخه د افغان کډوالو په جبري ایستلو نیوکه کړې او ویلي یې دي چې هېواد یې د نړیوالو بنسټونو له لارې د افغان کډوالو ملاتړ ته دوام ورکوي.

د بهرنیو چارو سرپرست وزیر د افغانستان لپاره د پاکستان له ځانګړي استازي سره په لیدنه کې ویلي، دواړه هېوادونه باید خپل مسایل د خبرو اترو له لارې حل کړي او له هغو اقداماتو او څرګندونو ډډه وکړي چې د ولسونو د خپګان او احساساتو د پارونې لامل کېږي.

د بهرنیو چارو وزارت سرپرست د قزاقستان له یوه پلاوي سره په لیدنه کې ویلي، افغانستان هیله لري چې د دواړو هېوادونو ترمنځ د اقتصادي او سوداګریزو پرمختګونو تر څنګ، د سیاسي اړیکو کچه هم د اوس په پرتله لا لوړه شي.

د ملګرو ملتونو سرمنشي انټونیو ګوټرېش وایي، په غزه کې انساني ناورین د ځور او ویجاړۍ بې مخینې پړاو ته رسېدلی او شرایط داسې دي چې «غزه د وژنو میدان ګرځېدلې او عام خلک د مرګ په یوه نه درېدونکې ارابه کې بند پاتې دي.»

چین د جمعې په ورځ د ټرمپ د تعرفو په ځواب کې پر امریکایي محصولاتو ۳۴ سلنه تعرفه ولګوله، خو اوس د امریکا ولسمشر ویلي، که دا تعرفه لرې نه کړې نو امریکا به پر چينايي توکو پنځوس سلنه نوره تعرفه ولګوي.