نورالله ځاځی

د پاکستان د کورنیو چارو وزارت په دغه هېواد کې ځینو افغان کډوالو ته د روانې مارچ میاشتې تر ۳۱مې وخت ورکړی څو دغه هېواد پرېږدي او افغانستان ته ستانه شي، خو د کډوالو چارو وزارت له پاکستانه غوښتي چې باید له افغان کډوالو سره له زغم کار واخلي.

د افغانستان بانک وايي، له اړوندو ادارو سره یوې هوکړې ته ورسېد چې له مخې به یې له دې وروسته له افغان حاجیانو د هغوی د ټولو مالي لګښتونه لپاره د نورو بهرنیو اسعارو پر ځای یوازې افغانۍ اخیستل کېږي.

رسنیو د ترکیې د کورنیو چارو د وزیر له قوله راپور ورکړی چې د دغه هېواد په ۲۲ ښارونو کې له داعش ډلې سره د اړیکو په تور ۴۷ کسان نیول شوي دي.

د کډوالو چارو وزارت سرپرست وايي، اسلامي امارت افغان کډوال هېواد ته راستنېدو ته هڅوي خو په کور دننه د شرایطو د نه برابرېدو له امله باید کوربه هېوادونه د جبري ایستلو پر ځای یو منظم میکانیزم عملي کړي.

د اسلامي امارت مرستیال ویاند وايي، څه باندې درې کاله مخکې د کابل هوایي ډګر کې د شوي برید په تړاو په پاکستان کې د داعش اړوند یوه کس نیول کېدل دا ښیي چې د داعش پټنځایونه په دغه هېواد کې دي.

د اسلامي امارت د مشرتابه د حکم له مخې، د جوماتونو لپاره د برېښنا لګښتونه معاف شول.

له عربي متحده اماراتو د بورې شل او له ایرانه د سمنټو شپږ واګونه د هرات ‌ـ خواف رېل‌پټلې له لارې روزنک تمځای ته رارسېدلي دي.

د راپورونو له مخې، روسیې د امریکا او ایران ترمنځ د منځګړیتوب وړاندیز کړی او کرملین ژمنه کړې چې د تهران د هسته‌یي پروګرام پر سر د کړکېچ د سوله‌ییز حل لپاره له هرې ممکنې لارې کار اخلي.

له پېښو سره د مبارزې د چمتووالي ملي ادارې له یوې موسسې سره د څه باندې ۶۹۴ زره امریکايي ډالرو په ارزښت د ګډو همکاریو هوکړه‌لیک لاسلیک کړی دی.

د اسلامي امارت ویاند وايي چې په افغانستان کې د یوناما ماموریت اغېزناک نه و او دغه بنسټ تل هڅه کړې چې د افغانستان په اړه منفي راپورونه وړاندې کړي.

د ملګرو ملتونو له ماشومانو د ملاتړ صندوق )یونیسف( وایي، د اټکل له مخې په روان ۲۰۲۵ زېږدیز کال کې به افغانستان کي د ۱۲ میلیونه ماشوماتو په ګډون ۲۲،۹ میلیونه کسان بشري مرستو ته اړتیا ولري.

د لوړو زده‌کړو وزارت وایي، د چاپېریال ساتنې له ملي ادارې سره یې دهمکاریو هوکړه‌لیک لاسلیک کړی چې له مخې به یې د تحصیلي بنسټونو د علمي کادر غړو او محصلانو لپاره د عملي کار او تجربو ترسره کولو فرصتونه برابر کړي.