افغانستان

مالیې وزارت وایي، د افغانستان او روسیې ترمنځ د ګډو اقتصادي او سوداګریزو همکاریو د پراختیا لپاره د یوې «معقولې طرحي» د جوړېدو په موخه د اړوندو وزارتونو ترمنځ غونډه وشوه.

په کابل کې د ایران سفیر د کانونو او پټرولیم وزارت له سرپرست سره په لیدنه کې له ایراني شرکتونو د افغانستان د کانونو سکټور کې د ګډ کار او پانګونې غوښتنه کړې ده.

د راپورونو له مخې، د هند د مغزیاتو او وچو مېوو شورا د اتارې- واګه لارې د تړل کېدو له امله د هند له حکومته غوښتي څو له افغانستانه دغه هېواد ته د وچې مېوې د واردېدو لپاره هوايي دهلېز رامنځته کړي.

د افغانستان د اوبو او انرژۍ وزارت سرپرست په کابل کې د چین له سفیر سره لیدنه کې له هغه غوښتي چې د اروزګان او پکتیا ولایتونو لپاره د لمریزې برېښنا شبکو جوړولو کې همکاري وکړي.

قرغیزستان د روان ۲۰۲۵ کال په لومړيو دوو میاشتو کې افغانستان ته د ۱۱.۵ میلیون ډالرو په ارزښت، ۲۴.۹ میلیون لیتره نفتي توکي صادر کړي دي.

د افغانستان د چرګانو د فارم‌لرونکو ټولنه وايي چې افغان سوداګرو په دې برخه کې ۱،۵ میلیارد ډالره پانګونه کړې او هېواد د چرګ غوښې د تولید له اړخه ځان‌بسیاینې ته رسېدلی دی.

ملګري ملتونه وایي، خبریالان باید وکولای شي په ټوله نړۍ کې «له وېرې او تبعیض» پرته راپورونه وړاندې کړي او ا.ا ویلي، له ټولو هغو رسنیو ملاتړ کوي چې د شریعت په چوکاټ کې فعالیت کوي.

د ریاست‌الوزراء اقتصادي معاونیت وايي چې د تېر ۱۴۰۳ لمریز کال په اوږدو کې له افغانستانه د ۶۴۳ میلیون ډالرو په ارزښت ۴۶۶ زره ټنه تازه او وچه مېوه صادره شوې ده.

افغانستان کې د جاپان سفیر وايي، هېواد یې له افغان کورنیو سره مرستې او ملاتړ ته ژمن دی.

د بهرنیو چارو وزارت سرپرست په نړۍوالو چارو کې د قطر د دولت له وزیرې سره د بشري مرستو پر لا ښه مدیریت او د دغه هېواد د لوړو زده‌کړو له وزیرې سره پر علمي او کلتوري همکاریو خبرې کړې دي.

په بشري چارو کې د ملګرو ملتونو د سرمنشي مرستیال ټام فليچر په کندهار کې له یوه روغتونه د لیدنې پر مهال د مرستو ځنډولو له تصمیم‌نیوونکو غوښتنه وکړه څو د دغه ولایت یوه روغتون ته ورشي او د مرستو ځنډېدو منفي اغېزې له نږدې وګوري.

افغان او ایراني چارواکو د صنعتي کرنې پراختیا، د کرنیزو محصولاتو پانګونې او د خصوصي سکټور د پیاوړتیا په اړه خبرې کړې او د کرنې او مالدارۍ په بېلابېلو برخو کې د دوه اړخیزو همکاریو پر دوام ټینګار کړی دی.