ښځو

بلخ کې د قطر سرې میاشتې په مالي ملاتړ د دغه ولایت مرکز مزارشریف ښار کې بې‌سرپرسته ښځو ته د خیاطۍ او ګلدوزۍ د زده‌کړو نهه مرکزونه جوړ شول.

د دایکنډي په مرکز نیلي ښار کې یو شمېر هغه مېرمنې چې ټولې هیلې یې په لاسي صنایعو پورې تړلې وايي، نورو برخو کې د کار نشتوالي له امله یې خیاطي او ګلدوزي ته مخه کړې او له حکومته غواړي چې ملاتړ یې وکړي.

د امر بالمعروف او نهي عن‌المنکر وزارت سرپرست وايي چې اسلامي امارت د ښځو شرعي حقونو ورکولو ته ژمن دی او که څوک سرغړونه وکړي، ښځې کولای شي شکایت وکړي.

نیمروز کې یو شمېر شنډې مېرمنې د خپلو مېړونو او د هغوی د کورنیو له خوا له تاوتریخوالي شکایت کوي او وايي، د دې پر ځای چې شنډې ښځې مجرمې وګڼل شي، باید له هغوی سره ښه او انساني چلند وشي.

کابل ښار کې یوه سوداګره فرشته هاشمي چې د ۱۰۰۰ امریکایي ډالرو په پانګونه یې د لاسي صنایعو برخه کې کاروبار پیل کړی او اوس یې ۷۰۰ نورو مېرمنو ته د کار زمینه برابره کړې وايي، هغه ښځې چې بېکاره دي، هم کولای شي په پنځه‌ زره افغانیو کوچني کاروبارونه پیل کړي.

د ملګرو ملتونو د خوړو او کرنې سازمان اعلان کړی چې په ۲۰۲۴ کال کې یي په افغانستان کې د کورنیو له ۱۵ زره سرپرستو ښځو سره مرسته کړې ده.

د لوګر امنیه قومانداني وايي چې د دغه ولایت په مرکز پل‌علم کې دوو ښځو ځان‌وژنه کړې ده.

بغلان کې د ښځو د لاسي صنایعو د کارخونو مسوولانې وايي، د پخوا په پرتله اوس له دوی سره په کارخونو کې کار کولو ته د نجونو لېوالتیا ډېره شوې چې لامل یې له شپږم ټولګي پورته د نجونو پر مخ د ښوونځيو او پوهنتونونو ځنډېدل دي.

د امر بالمعروف او نهې عن‌المنکر وزارت مسوولین وايي، په تېر کال کې «د ښځو پر وړاندې د تاوتریخوالي د ۲۶۳۸ مواردو او د ښځو د پلور د ۲۹۵ مواردو» مخه نیول شوې او دغه‌راز د رسنیو نشرات ۹۰ سلنه اصلاح شوي دي.

پلخمري (پژواک، ۲۱ زمری ۱۴۰۳): د بغلان ښاروالي وايي، په پلان کې لري د دغه ولایت په مرکز پلخمري ښار کې د ښځو لپاره ځانګړی

د غزني امنیه قومانداني وايي چې په دغه ولایت کې یوه کس خپلې دوې ښځې وژلې او د درېیمې سترګې یې ړندې کړې دي.

کینیا کې یوه کس اعتراف کړی چې په تېرو دوو کلونو کې یې د خپلې مېرمنې په ګډون ۴۲ ښځې وژلې دي.