<p style="text-align: justify;">مزارشریف (پژواک، ۶ مرغومی ۱۴۰۳): بلخ کې د قطر سرې میاشتې په مالي ملاتړ د دغه ولایت مرکز مزارشریف ښار کې بېسرپرسته ښځو ته د خیاطۍ او ګلدوزۍ د زدهکړو نهه مرکزونه جوړ شول.</p>
<p style="text-align: justify;">د بلخ ولايت سرې مياشتې ریاست د مطبوعاتو مسوول کريم صالحزاده وايي چې د دغه ریاست د مرستون آمریت له خوا د بلخ ولايت مزارشریف ښار په پنځمه، اوومه، نهمه او لسمه ناحیه کې ۸۸ بېسرپرسته کونډو ته د ګلدوزۍ او ۱۲ نورو ته د خیاطۍ مرکزونه جوړ شول.</p>
<p style="text-align: justify;">د هغه په وينا یادو ښځو ته د یو میليون او ۲۱۹ زره افغانیو په مالي لګښت د خیاطۍ برخې هر زدهکوونکې ته ۲۶ قلمه او د ګلدوزۍ برخې هرې زدهکوونکې ته ۱۴ قلمه توکي هم سپارل شوي دي.</p>
<p style="text-align: justify;">هغه زیاتوي، چې یادې ښځې به له درې میاشتنۍ حرفوي ښوونيزې دورې څخه وروسته په خپل ځان بسیا شي او په خپله به د خپلو کورنيو لپاره د ژوند نفقه برابروي.</p>
<p style="text-align: justify;">د یادولو ده چې یاد نهه ښوونيز مرکزونه د قطر سرې میاشتې په مالي ملاتړ جوړ شوي دي.</p>
