افغانانو

د هند د بهرنیو چارو وزارت، افغانانو ته د وېزو ورکړې بهیر پیل تایید کړی او ویلي یې دي، دغه هېواد افغانانو ته د بېړنیو (ایمرجنسي) ویزو د ورکړې سیسټم لغوه او پر ځای یې یو نوی سیسټم رامنځته کړی دی.

د راپورونو له مخې، هند د تېرې میلادي میاشتې په وروستۍ اونۍ کې افغانانو ته د انلاین ویزو د ورکړې بهیر له سره پیل کړی دی.

د راپورونو له مخې، د امریکا کالیفرنیا ایالت کې د «خلیج» سیمې زرګونه افغان اوسېدونکو د متحده ایالتونو کورني امنیت وزارت له لوري یو لیک ترلاسه کړی او په کې هغوی ته خبرداری ورکړل شوی چې له دغه هېواده د وتلو وخت را رسېدلی دی.

د پوهنې وزارت چارواکو له افغان ‌کډوالو د سویې د تثبیت ازموينې په تړاو جوړه شوې غونډه کې ویلي چې ا.ا به ټولو راستنېدونکو افغان کډوالو ته د زده‌کړو زمینه برابره کړي.

ناقانونه کډوالي چې ډېری افغانان د بېوزلۍ او بېکارۍ له امله ورته مخه کوي، پر یوه تیاره لار له ګواښه ډک هغه اقدام دی چې کولای شي په دوکه، شکنجه، د بدن د غړو په پرې کېدو او کله کله د ژوند په له لاسه ورکولو پای ته ورسېږي.

د ملګرو ملتونو سازمان له ماشومانو د ملاتړ صندوق (یونیسف) وايي چې په ۲۰۲۴ زېږدیز کال کې یې څه باندې ۲۰ میلیون افغانانو ته چې نیمايي یې ماشومان وو، د لومړنيو روغتیايي مراقبتونو خدمتونه وړاندې کړي دي.

د کډوالۍ نړۍوال سازمان (IOM) د اروپایي ټولنې په مالي مرسته د ۲۰۲۳ کال له وروستیو تر اوسه د راستنو شوو او په زلزلو کې د زیانمنو په ګډون له ۲۰۰ زره افغانانو سره بېړنۍ بشري مرستې کړې دي.

د جرمني د بهرنیو چارو وزیرې انالینا باربوک په یوه خبري ناسته کې ویلي، تر کومه چې امکان ولري، له افغانانو سره به بشري او نورې مرستې کوي.

د ریاست‌الوزراء اداري مرستیال د سره صلیب او سرې میاشتې ټولنې د نړۍوال فدراسیون د آسیا پاسیفیک حوزې له رییس سره په لیدنه کې غوښتي چې له افغان ولس او اجباري راستانه شوو کډوالو سره خپلو مرستو ته دوام ورکړي.

د بهرنیو چارو وزارت وایي، د دغه وزارت سرپرست په کابل کې د سعودي عربستان له سفیر سره د دوه اړخیزو اړیکو پر پراختیا او سعودي میشتو افغانانو د کونسلي خدمتونو پر رسولو خبرې وکړې.

رسنیو د یونان د ساحلي ګارډ له قوله راپور ورکړی چې د دغه هېواد په ختیځ کې رودس جزیرې ته نږدې د یوې کښتې ډوبېدو له امله اتو افغانانو ژوند له لاسه ورکړی او ۱۸ نور ژغورل شوي دي.

د افغانستان ریاست‌الوزراء د ایران او پاکستان پر ګډه پوله د یو شمېر افغان کډوالو مرګ ژوبلې راپورونو په اړه د پلټنو لپاره پلاوی وتاکه.