ښرنه (پژواک ٢٦ زمرى ٩٣): په پکتيکا ولايت کې د بېلابېلو پېښو له امله يو تن وژل شوى او د دريو زده کوونکو په ګډون شپږ نور ټپيان شوي دي.
د پکتيکا د پوهنې رياست وياندمحمدالله همت پژواک خبري اژانس ته وويل، چې نن لس بجې د يحى خېلو ولسوالۍ د کوثر په نوم ښوونځي ته څېرمه پر زده کوونکو چاودنه شوې ده.
همت وايي، چې د ماين په دې چاودنه کې درې زده کوونکي ټپيان شوي او بل چا ته زيان نه دى رسېدلى.
هغه وويل، چې پوليس د پېښې د څرنګوالي په تړاو څېړنې پيل کړې دي.
بلخوا د دغه ولايت د ترافيکو مدير سمونيار محمدظريف وايي، چې نن سهار د يوسف خېلو په ولسوالۍ او مرکز ښرنه کې د ترافيکي پېښې له امله يو تن وژل شوى او درې نور ټپيان شوي دي.
نوموړي پژواک ته وويل، چې په يوسف خېلو کې يو موټرسايکل او سراچه موټر سره ټکر شوي او په مرکز ښرنه کې يو موټرسايکل چپه شوى دى.
Visits: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن