کابل(پژواک، ١٥ وږى ٩٤): په افغانستان کې د اروپايي ټولنې استازي، د (( لوړ پوړو چارواکو)) ناسته کې د افغان دولت له ژمنو ملاتړ اعلان کړ.
د افغانستان لپاره د اروپايي ټولنې ځانګړي استازي فرانز مايل د (( لوړ پوړو چارواکو)) له ناستې وروسته د اروپايي ټولنې، ناروې هېواد او يوسي کنفدارسيون په استازولۍ له افغان دولت نه ددې ناستې د کوربه توب له امله مننه وکړه او وويل:((دې ناستې ځان بسياينې ته د رسېدو لپاره د افغان دولت پر ګټورو هڅو ټينګار وکړ، دا موضوع زموږ د ملاتړ د دوام لپاره هم کليدي ده.))
مايکل ميلبڼ افغان دولت په دې وستايه چې ځان د توکيو د ناستې په اډانه کې حساب ورکولو ته ژمن بولي.
هغه وويل چې د افغانستان له خلکو سره د اروپا پر اوږدمهاله ژمنې د ټينګار په موخه دا ټولنه په راتلونکي کې خپله غونډه د وزيرانو په کچه په بروکسل کې له افغان دولت سره په ګډه جوړوي.
سفيرمېلبڼ پر دې سربېره زياته کړه:((اوس ددې وخت را رسېدلى چې افغان دولت ژر تر ژره له خبرو عمل ته ولاړ شي او خلکو ته څرګنده کړي چې دولت د ولس په ګټه د اصلاحاتو په پلي کولو کې جدي دى.))
د افغانستان لپاره د اروپايي ټولنې د ځانګړي استازي په خبره، اروپايي ټولنه افغان دولت هڅوي چې د دولت جوړښت بشپړ کړي، پاتې واليان او مرستيال وزيران وټاکي.
هغه ټينګار وکړ چې د اصلاحاتو عملي کول چې افغانستان پر ځان بسياينې ته بيايي، د افغان دولت دوړتيا لپاره له بنسټيزو شرطونو څخه ګڼل کېږي.
د لوړپوړو چارواکو دويمه نړيواله ناسته يا (Senior Official Meeting)د ګډې حساب ورکولو «(Self-Reliance through Mutual Accountability Framework)» د اډانې له لارې تر نوم لاندې تېره ورځ په رسمي ډول د افغانستان دولت د لوړ پوړو چارواکو او د څه باندې ٣٠ هېوادونو او ٤٠ نړيوالو سازمانونو د لوړ پوړو استازو په ګډون د ولسمشر پر وينا پيل شو.
ولسمشر اشرف غني په دې ناسته کې د حکومت کړنو ته په اشارې سره د هېواد له اوسني وضعيت يو انځور وړاندې کړ او هيله يې څرګنده کړه چې د نړيوالې ټولنې په همکارۍ سره به د افغانستان د( پر ځان بسياينه) پروګرام عملي شي.
غړيYou need to subscribe to view the full article. Please login or register a new account.
