پل علم- تالقان (پژواک، ٢١ وږى ٩٤): په لوګر ولايت کې د يوې ترافيکي پېښې له امله د ملي اردو درى سرتېري مړه شوي او دوه نور ټپيان دي، بلخوا په تخار کې د ملي امنيت موظفينو د انسان تښتونکو يوه ډله نيولې ده.
د لوګر د والي وياند سليم صالح د وږي٢١مه پژواک خبري اژانس ته وويل چې نن له غرمې وروسته شاوخوا درى بجې د محمد اغې ولسوالۍ اړوند د شيخک کلا په سيمه کې د ملي اردو يو رينجر موټر له دېوال سره ټکر کړى دى.
هغه زياته کړه: ((موټر له خپل اصلي مسير نه اوښتى دى او بيا له دېوال سره لګېدلى چې په ترڅ کې د ملي اردو درى سرتېري وژل شوي او دوه نور ټپيان دي.))
هغه وايي چې پېښه د موټر چلوونکي د بې احتياطې له امله رامنځته شوې ده.
د شيخک کلا اوسېدونکي اجمل پژواک ته وويل: ((د ملي اردو رينجر موټر له کاسټر نه مخکې کېده چې مخامخ پرې بل موټر راغى او د ملي اردو موټر پټي خوا ته لاړ او بيا اووه ملاقه يي ووهل.))
دى هم وايي چې په دې پېښه کې د ملي اردو درى سرتېري مړه شوي او دوه نور ټپيان دي.
دغه راز د وږي په ٢١مه د ملي امنيت د مطبوعاتي دفتر له لوري پژواک ته په را رسېدلې خبرپاڼه کې راغلي چې د ملي امنيت موظفينو په تخار ولايت کې د انسان تښتونکو يوه څلور کسيزه ډله نيولې ده.
سرچينه ليکي چې په دې ډله کې فریدالله د بهلول زوی، خیرالله د عبدالباري زوی، خان د عبدالباري زوی او میرزا د رحیم زوی شامل دي.
په اعلاميه کې راغلي چې يادو کسانو عبدالعزيز د عطا باى زوى له بهارک ولسوالۍ څخه تښتولى و او د پيسو غوښتنه يې کړې وه خو خپلې موخې ته ونه رسېدل.
سرچينه زياتوي چې له يادو کسانو څخه يوه تومانچه او يوه برچه هم ترلاسه شوي دي.
غړيYou need to subscribe to view the full article. Please login or register a new account.
