په ترافيکي پېښه کې اتو کسانو ته مرګ ژوبله واوښته

ميدانښار ( پژواک، د تلې لومړۍ ٩٤ ) : د کابل – کندهار پر لويه لاره د يوې ترافيکي پېښې له امله اتوکسانو ته مرګ ژوبله اوښتې ده.

د ميدان وردګو د والي وياند عطاء الله خوږياڼي د تلې په لومړۍ نېټه، پژواک خبري اژانس ته وويل چې دا پېښه پرون مازيګر ناوخته دسيد اباد ولسوالۍ د تنګي په سيمه کې رامنځته شوې ده.

هغه زياته کړه، چې له کابل څخه د غزني په لوري روان يو کرولا موټر له مخامخ روان کرولا سره ټکر کړى دى.

دى وايي چې په دې پېښه کې يو ماشوم او يوه ښځه مړه ، د ښځو او ماشومانو په ګډون شپږ نور کسان ټپيان شوي دي.

خوږياڼي وويل چې ټپيان د ميدانښار ملکي روغتون ته لېږدول شوي او روغتيايي حالت يې د ډاډ وړ ښودل شوى دى.

نوموړي ددې پېښې لامل د موټر چلوونکوسرعت او بې احتياطي په ګوته کړ. 

غړي

You need to subscribe to view the full article. Please login or register a new account.