کابل (پژواک، ٤ تله ٩٤): نن له غرمې وروسته يوې زورورې زلزلې چې مرکز يې په بدخشان کې ښودل شوى، د کابل په ګډون د هېواد ډېرې سمې سختې ولړزولې.
د امريکا د ځمکې پېژندنې سازمان اعلان کړى چې دا زلزله يوه بجه، ٣٩ دقيقې او ٣٢ ثانيې د بدخشان ولايت د جرم ولسوالۍ په ٤٥ کيلومترۍ کې چې د کابل د شمال ختيځ په ٢٥٦کيلومترۍ کې موقعيت لري، شوې ده.
د دغه سازمان په ويبپاڼه کې راغلي چې دا زلزله د ريښتر په اندازه ٧،٧ درجې او په ځمکه کې ٥،٢١٣ کيلومتره لاندې شوې ده.
د بدخشان ځايي سرچينو د دې زلزلې له احتمالي مرګ ژوبلې او زيانونو بې خبري ښودلې ده.
دا زلزله په ځينو نورو هېوادونو لکه پاکستان، هندوستان او منځنۍ اسيا کې هم احساس شوې ده.
افغانستان د نړۍ له هغو هېوادونو دى چې زياتې زلزلې په کې کېږي. د وروستيو کلونو ډېرې زلزلې د هېواد په شمال ختيځو سيمو کې شوې چې په ځينو مواردو کې يې مالي او ځاني زيانونه هم اړولي دي.
غړيYou need to subscribe to view the full article. Please login or register a new account.
