کابل (پژواک، ۱۸ لړم ۹۴): د هېواد وتلی سندرغاړی مومن خان بېلتون چې د عمر ډېره برخه يې موسيقۍ او سندرو ته ځانګړې کړې وه، نن ومړ.
استاد بېلتون د کابل ولايت د خاکجبار ولسوالۍ د چکري سيمې اوسېدونکى و، چې په پښتو او دري ژبو يې سلګونه سندرې ويلې دي.
د اطلاعاتو او فرهنګ وزارت د موسيقۍ رياست مشر احسان عرفان له پژواک خبري اژانس سره د خبرو پر مهال د استاد بېلتون پر مړينې خواشيني وښوده او ويې ويل: "استاد بېلتون د هېواد خوږ ژبی سندر غاړی و چې د کابل راډيو د خپرونو له پيله راهيسې يې له دې راډيو سره همکاري لرله."
دی زياتوي، د استاد بېلتون سندرې ځکه خپل ځای او مينه وال لري چې نوموړي د خپلو سندور لپاره د پياوړي شاعر او ليکوال لکه بهايي جان شعرونه ټاکلي دي.
د استاد بېلتون زوی عبدالحميد پژواک خبري اژانس ته وويل چې پلار يې د ۹۵ کلونو په عمر نن له غرمې مخک لس نيمې بجې ومړ.
هغه زياته کړه، پلار يې د عمر د ډېروالي او کمزورتيا له وجې له شاوخوا څلورو کلونو راهيسې د ناروغۍ پر بستر پروت و.
نوموړي د سندرو تر څنګ ښکلى رباب هم غږاوو او دغه هنر يې د افغانستان د پېژندل شوي رباب غږوونکي غلام محمد ربابي څخه زده کړي و.
استاد بېلتون پنځه زامن او دوه لوڼې لري.
غړيYou need to subscribe to view the full article. Please login or register a new account.
