لومړی تعقيب- غزني ښار (پژواک، ١٠ مرغومى ٩٤): په غزني ولايت کې د کابل- کندهار پر لويه لار د ترافيکي پېښې له امله پنځه کسان مړه او ٢٥ نور ټپيان دي.
د غزني د ترافيکو مدير محمدالله احمدي د مرغومې په ١٠مه پژواک خبري اژانس ته وويل چې شاوخوا ٩ بجې د غزني د اب بند ولسوالۍ د تودې په سيمه کې ترافيکي پېښه رامنځته شوې ده.
هغه وايي: ((٣٠٣ ډوله موټر له يو ټېلر سره جنګېدلى او ٣٠٣ موټر اور اخيستى دى.))
د هغه په وينا، په دې پېښه کې پنځه تنه وژل شوي او ٢٥ نور ټپيان دي چې د غزني ولايتي روغتون ته انتقال شوي دي.
د غزني د ولايتي روغتون مشر بازمحمد همت پژواک ته وويل چې له يادې پېښې تر اوسه روغتون ته ٢٥ ټپيان ور وړل شوي دي.
هغه وايي چې په ټپيانو کې دوه ښځې او دری ماشومان هم شامل دي.
دا په داسې حال کې ده چې تېره ورځ هم د غزني ښار د عزيز کلا په سيمه کې د ترافيکي پېښې له امله دری تنه مړه او ٢٢ نور ټپيان وو.
غړيYou need to subscribe to view the full article. Please login or register a new account.
