میمنه(پژواک، ٢٥مرغومى ٩٤) : د فارياب ولايت په مرکز ميمنې ښار کې په نشه يي توکو روږدي يوتن تېره شپه د سړې هوا له امله ساه ورکړه .
د ميمنې ښار يوتن امنيتي مسوول وويل چې دغه په نشه يي توکو روږدي تن تېره شپه تر يوه پله لاندې ساه ورکړې او جسد يې نن سهار د افغان ترک روغتون ته انتقال شوى دى.
د فارياب د امنيه قوماندانۍ يوې سرچينې چې نه يې غوښتل نوم يې واخيستل شي پژواک ته وويل چې تراوسه ددغه تن هويت نه دى په ډاګه شوى .
خو تر ياد پله لاندې يو شمېر نورو روږدو کسانو وويل چې مړ شوى تن رستم پهلوان نوميده ، ٤٥کاله عمر يې درلود او د ګرزيوان ولسوالۍ د ګاوکي سيمې اصلي اوسېدونکى و .
په نشه يي توکو روږدو يادو کسانو ادعا وکړه چې د رستم پهلوان د مرګ يو لامل څو ورځې مخکې د پوليسو له خوا د هغه وهل و ، چې بيا يې درملنه ونه شوه .
خو د فارياب پوليس دغه ادعا ردوي .
غړيYou need to subscribe to view the full article. Please login or register a new account.
