جلال اباد (پژواک ، ٢٥مرغومى ٩٤) په ننګرهار ولايت کې د ګاز ډبې د چاودنې له امله د يوې کورنۍ ١٢غړي ټپيان شوي دي .
د ننګرهار د والي وياند عطاالله خوږياڼي د مرغومي په ٢٥مه پژواک اژانس ته وويل چې ياده پېښه تېره شپه د دغه ولايت د کامې ولسوالۍ د کندهاريو په سيمه کې رامنځته شوې ده .
هغه زياته کړه چې په دې پېښه کې د يوې مېرمنې په ګډون ١٢تنه ټپيان شوي ، چې په ټپيانو کې ددوو تنو روغتيايي حالت نازک دى.
ده په وينا ، چې پېښه هغه مهال د امداد الله په نامه د سيمې د يوه اوسېدونکي په کور کې رامنځته شوه ، چې د ګاز ډبه يې د اور نغري سره نږدې ايښې وه .
د خوږياڼي په خبره، چې د پېښې ټپيان روغتون ته لېږدول شوي، دوه تنه تر لومړنۍ درملنې وروسته رخصت شوي او پاتې لس تنه نور تر درملنې لاندې دي.
خو د کندهاريو د سيمې يوه اوسېدونکي او خبريال ياسر شريفي پژواک ته وويل چې په دې پېښه کې يوه ټپي ماشوم د سختو ټپونو له امله ساه ورکړې ده .
د هغه په خبره ، په دې پېښه کې ٩تنه ټپيان شوي ، چې په ټپيانو کې يوه د امدادالله خور او نور يې اولادونه دي.
غړيYou need to subscribe to view the full article. Please login or register a new account.
