کابل (پژواک، ٢٢ ورى ٩٥): نن له غرمې وروسته يوې زورورې زلزلې د کابل په ګډون د هېواد زياتې برخې ولړزولې. د زلزلې مرکز د بدخشان اشکاشم ولسوالۍ ښودل شوې ده.
د امريکا د ځمکې پېژندنې سازمان اعلان کړى چې دغه زلزله نن له غرمې مخکې په دوو بجو، ٥٨ دقيقو او ٥٨ ثانيو د بدخشان د اشکاشم ولسوالۍ د سوېل لوېديځ په ٣٩ کيلومترۍ او د کابل د شمال ختيځ په ٢٨٢ کيلومترۍ کې شوې ده.
د دغه سازمان په ويبپاڼه کې راغلي چې ياده زلزله د ريښتر په مقياس ٦،٦ درجې وه چې په ځمکه کې يې د ژوروالي اندازه ٤،٢١٠ کيلومتره کېږي.
د بدخشان ځايي سرچينو د دې زلزلې له احتمالي مرګ ژوبلې او زيانونو بې خبري ښودلې ده.
دا زلزله په پاکستان، هندوستان او د منځنۍ اسيا په ځينو هېوادونو کې هم احساس شوې ده.
افغانستان د نړۍ له هغو هېوادونو څخه يو دى چې زياتې زلزلې په کې کېږي. په دې هېواد کې تر ټولو وروستۍ زلزلې په وروستيو کلونو کې په شمال ختيځو برخو کې شوې چې په ځينو مواردو کې يې مرګ ژوبله او زيانونه هم لرل.
غړيYou need to subscribe to view the full article. Please login or register a new account.
