هرات ښار (پژواک، ١٩ غبرګولى ٩٥): په هرات ولايت کې د ګازډبې چاودنې د يوې کورنۍ درې غړي ووژل شول.
د هرات د والي وياند جيلاني فرهاد پژواک خبري اژانس ته وويل چې پرون ماښام د انجيل ولسوالۍ په اسحاق اباد کلي کې د ګازډبې چاودنه رامنځته شوې ده.
فرهاد زياته کړه چې په دې پېښه کې يوه ٣٠ کلنه مېرمن، يوه اووه کلنه نجلۍ او يو ٥ کلن هلک چې د يوې کورنۍ غړي وو، وژل شوي دي.
په ورته وخت کې د هرات حوزوي روغتون د بېړنۍ څانګې مشر عبدالرحمن جامي پژواک ته وويل چې تېره ورځ د يوې مېرمنې او دوو ماشومانو سوځېدلي مړي دې روغتون ته ور وړل شوي دي.
جامي زياته کړه: ((دغه کورنۍ په ګاز ډبه د کله پاچې په پخولو بوخته وه چې د ګاز له ځينو برخو ګاز وتلو او دا کار د چاودنې سبب شو.))
دا په داسې حال کې ده چې د هرات امنيه قوماندانۍ وياند عبدالرووف احمدي دغه پېښه د کورنۍ د بې احتياطۍ له امله وبلله.
احمدي له ټولو کورنيو وغوښتل چې د ګاز ډبې د کارولو پرمهال پاملرنه ولري او د دا ډول پېښو مخنيوى وکړي.
غړيYou need to subscribe to view the full article. Please login or register a new account.
