لښکرګاه (پژواک، ٥ تله ٩٥): د هلمند په ګرشک ولسوالۍ کې د ترافيکي پېښې له امله د ښځو او ماشومانو په ګډون ١٧ تنه ټپيان شوي دي.
د هلمند د والي وياند عمر ځواک د تلې په پنځمه پژواک خبري اژانس ته وويل چې تېره شپه اته بجې د هلمند- کندهار پر لويه لار د ګرشک ولسوالۍ په ميرزو سيمه کې ترافيکي پېښه رامنځته شوې ده.
هغه وايي: ((په دې سيمه کې طالبانو ماين ايښې و چې بيا چاودلى و او له امله يې سړک کنده شوى دى، بېګاه يو سراچه او يو ټونس موټر دې کندې ته غورځېدلي دي.))
ځواک وايي چې په دې پېښه کې د ښځو او ماشومانو په ګډون ١٧ تنه ټپيان شوي دي.
ده وويل چې ټپيان د ګرشک ولسوالۍ روغتون ته لېږدول شوي او تر درملنې لاندې دي.
د ګرشک د ولسوالۍ يوه مامور د نوم له اخيستو پرته پژواک ته وويل چې له يادې پېښې تېره شپه دوى ته ١٧ ټپيان ور وړل شوي دي.
هغه زياته کړه چې د يادو ټپيانو له ډلې ځيني يې تر درملنې وروسته رخصت شوي او پاتې نور تر درملنې لاندې دي.
دا په داسې حال کې ده چې تر دې وړاندې هم د هلمند- کندهار پر لويه لار ډېرې ترافيکې پېښې رامنځته شوې دي او لامل يې هم د موټر چلوونکو بې احتياطي ښودل شوې ده.
غړيYou need to subscribe to view the full article. Please login or register a new account.
