پل علم(پژواک،١٨تله٩٥): د کابل-ګردېز پر لويه لار د ترافيکي پېښې له امله ٧ تنه مړه شول او ٩ نور ټپيان دي.
د لوګر د والي وياند سليم صالح د تلې په ١٨مه پژواک خبري اژانس ته وويل چې نن له غرمې وروسته شاوخوا دوه بجې د کابل-ګردېز پر لويه لار د تېرې کنډو په سيمه کې ترافيکې پېښه رامنځته شوې ده.
هغه وايي: (( يو سوپر کيسټم موټر چې خوست ته روان و په تېرې کنډو کې له تراکتور سره جنګېدلى دى.))
صالح زياتوي چې په دې پېښه کې ٧ تنه مړه شوي او ٩ تنه نور ټپيان دي چې په ټپيانو کې ښځې او ماشومان هم شامل دي.
هغه وايي چې ټپيان د ګردېز روغتون ته انتقال شوي او روغتيايي وضعيت يې ښه دى.
د تېرې کنډو اوسېدونکي محمد اکبر پژواک ته وويل: (( تراکتور له خامې نه قير ته کېده چې سوپر کيسټم پرې راغى او ټکر يې وکړ.))
هغه هم وويل چې په دې پېښه کې د ښځو او ماشومانو په ګډون ګڼ شمېر کسانو ته مرګ ژوبله واوښته.
دا په داسې حال کې ده چې دغه ډول ډيرې پېښې د موټر چلوونکو د بې احتياطۍ له امله رامنځته کيږي.
د يادونې ده چې شاوخوا دوه اوونۍ مخکې د کابل-ګردېز پر لويه لار د محمد اغې ولسوالۍ په مربوطاتو کې د ترافيکي پېښې له امله پنځو کسانو ته مرګ ژوبله اوښتې وه.
غړيYou need to subscribe to view the full article. Please login or register a new account.
