کابل (پژواک ٢٠ ليندۍ ٩٥): د کابل په نړيوال هوايي ډګر کې نن د صافي هوايي خصوصي شرکت يوه مسافر وړونکې الوتکه د فني ستونزې له امله له ځغاست ليکې بهر شوه، چې له امله يې يو مسافر برسېرن ټپي شوى دى.
کابل کې د حامد کرزي نړيوال هوايي ډګر قوماندان ته يوې نږدې سرچينې پژواک خبري اژانس ته وويل، يادې الوتکې له هرات څخه کابل ته الوتنه کړې وه، چې نن غرمه ١٢:٣٠ بجې، هوايي ډګر کې د ناستې پر مهال له تخنيکي ستونزې سره مخامخ شوه.
نوموړي زياته کړه، ياده الوتکه د خپل مخکيني ټاير د پنچر کېدو له امله له ځغاست ليکې (رنوې) وتلې ده.
د يادې سرچينې په وينا، په دغه پېښه کې د يوه مسافر پښه برسېرنه ټپي شوې ده.
يوه عيني شاهد له نوم اخيستو پرته وويل، ياده الوتکه د کابل په هوايي ډګر کې د ناستې پر مهال د الوت له کرښې بهر شوه او له امله يې يو مسافر ژوبل شو.
د صافي هوايي شرکت د مطبوعاتي دفتر له لوري پژواک ته په رالېږل شوې خبرپاڼه کې ويل شوي چې دغه بوينګ ٧٣٧ ډوله الوتکه له هرات څخه کابل ته د الوتنې په حال کې وه، چې نن غرمه شاوخوا ١٢:٢٤ بجې يې د کابل په نړيوال هوايي ډګر کې يو ټاير پنچر شو.
سرچينې زياته کړې، د الوتکې ټول ١٥٥ مسافر او خدمت کوونکي په خوندي توګه را ايستل شوي او د چا د ټپي کېدو په اړه ورته راپور نه دى راغلى.
په اعلاميه کې ويل شوي، د صافي هوايي شرکت د الوتنې د خونديتوب ټيم له لوري په دې اړوند څېړنې پيل شوې دي.
غړيYou need to subscribe to view the full article. Please login or register a new account.
