فيض اباد(پژواک، ٢٢ ليندۍ ٩٥): د وروستيو واورو ورېدو له امله د بدخشان پنځو ولسواليو ته غځېدلې لارې د ترافيکو او ځايي خلکو پرمخ تړل شوې او اوسېدونکي يې د تاجکستان له لارې کندوز ولايت ته سفر کوي.
د بدخشان له پېښو سره د مبارزې ادارې مشر سيد عبدالله همايون دهقان وويل چې د وروستيو څو ورځنيو واوو ورېدو له امله د کوفاب، نسي، مايمي، شکي او خواهان ولسواليو ته د خلک د تګ راتګ لارې تړل شوې او د يادو ولسواليو ډېرى خلک د تاجکستان له لارې د ويزې په اخيستلو سره شيرخان بندر او کندوز ته ځي او خپلې ستونزې حلوي.
هغه زياته کړه چې په يادو ولسواليو کې د مرسته رسونکو بنسټونو په مرسته خوراکي او غير خوراکي توکي زېرمه شوي او د اړتيا پرمهال به پر اړمنو ووېشل شي.
د بدخشان د فواید عامې رياست مشر انجنير عبدالغني پژواک ته وويل چې دغه رياست هر کال د اړوند وزارت له لوري د ورکړي پلان له مخې د ژمي ورځو کې د سړګونو د ساتنې په ترڅ کې د عمومي سړک او پلو لارو د ساتلو لپاره عملي کېږي
هغه زياته کړه، د هغو واوره نيوونکو لويو کوتلونو د پاکولو لپاره چې موټر پرې تګ نه شي کولى، له خصوصي شرکتونو او سيمه ييزو شوراګانو سره قرار داد کوي.
خو د بدخشان د فوايد عامې مشر وويل چې د يادو پنځو ولسواليو نښلوونکې لارې به د پرله پسې واورو ورېدو له امله احتمالا تر وري مياشتې پورې بندې وي.
غړيYou need to subscribe to view the full article. Please login or register a new account.
