فيض اباد (پژواک، ١٢ مرغومى ٩٥): بدخشان کې د سړې هوا له امله د سرحدي پوليسو يو افسر مړ شوی، بلخوا د يوې ښځې په ګډون دوه کسان جنايي پېښو کې وژل شوي دي.
د بدخشان د امنيې قوماندانۍ له جنايي جرمونو سره د مبارزې مدير سمونوال سخي داد حيدري وايي چې تېره شپه د بدخشان اشکاشم سرحدي ولسوالۍ دوه افسران او يو سرتېرى د زياتې واورې له امله، د شهدا ولسوالۍ اغرده کوتل کې بند پاتې شوي وو.
نوموړي زياته کړه چې د سړې هوا او واورې ورېدو له امله، د سرحدي پوليسو يو افسر مړ شوى، خو دوه نور يې ژغورل شوي دي.
د بدخشان ياد امنيتي چارواکي د ياد افسر هويت په ډاګه نه کړ او د پېښې په اړه يې د نورو جزئيات له ورکولو ډډه وکړه.
همداراز د بدخشان د امنيې قوماندانۍ له جنايي جرمونوه سره د مبارزې مدير وويل چې تېره شپه د دغه ولايت په کران او منجان ولسوالۍ کې يوه ښځه په مرموز ډول پر تومانچه وژل شوې ده او تر اوسه د دې وژنې لامل څرګند نه دى.
نوموړي زياته کړه چې پوليسو په دې اړه څېړنې پيل کړې دي او د يادې مېرمنې خاوند په دې تړاو نيول شوى دى.
له بل پلوه، د بدخشان پوليس هم وايي چې تېره شپه د محمدعالم په نوم يو ٢٥ کلن ځوان د شهر بزرگ ولسوالۍ په پري خم کلي کې وژل شوى چې په تړاو يې درې کسان نيول شوي دي.
غړيYou need to subscribe to view the full article. Please login or register a new account.
