باميان(پژواک،١٥سلواغه٩٥): د باميان ولايت په يکاولنګ ولسوالۍ کې د پرله پسې ورښتونو او توپانونو له امله دوه تنه مړه شوي او دوه نور ټپيان دي.
د باميانو د والي وياند عبدالرحمن احمدي د سلواغې١٥مه پژاک خبري اژانس ته وويل چې دغه پېښه تيره ماښام د يکاولنګ ولسوالۍ په زارين سيمه کې شوې ده.
هغه زياته کړه: (( دغه کسان د يکاولنګ ولسوالۍ د زارين سيمې اوسيدونکي دي چې له يو کلي څخه بل ته په پښو روان وو.))
هغه وويل چې د همدې پرله پسې ورښتونو له امله يو کس لاردکه شوى هم دى چې د پيدا کونې لپاره يې هلې ځلې روانې دي.
دغه راز هغه وويل ،٢٣ عرادې وړې موټرې چې په واورو او توپانونو کې بند پاتې نجات ورکړل شوى دى.
هغه وويل چې په دې موټرې کې له اووه څخه نيولي تر لسو کسانو پورې سپرلې هم وه.
هغه زياته کړه چې دغه موټرې له ورس ولسوالۍ څخه د باميان ښار ته روان وو چې په لاره کې په واورو او توپانونو کې بند پاتې ول.
د باميانو د والي وياند زياته کړه چې دا مهال ٤٠ نورې موټرې د دايکندي او باميان ولايتونو ترمنځ د قوناق کوتل په سيمه کې بند پاتې دي.
خو هغه وويل چې د يادو موټر د خلاصون لپاره هم هلې ځلې پيل شوي دي.
غړيYou need to subscribe to view the full article. Please login or register a new account.
