چاريکار(پژواک،١٥سلواغه٩٥): حکومتي چارواکي وايي چې د سالنګ لويه لار د واورې وريدو او سختو توپانونو له امله د ترافيکو پرمخ تړل شوې ده.
د سالنګونو د حفظ او مراقبت ادارې رييس جنرال رجب د سلواغې١٥مه پژواک خبري اژانس ته وويل چې د سالنګ لويه لار د واورې وريدو او سختو توپانونو له امله د ترافيکو پرمخ تړل شوې ده.
هغه وويل چې د مسافرينو د ساتنې او مصونيت په موخه دغه لار له تيرماښام څخه تړل شوې او دغه حالت کېداى شي ٧٢ ساعته نور هم دوام وکړي.
هغه زياته کړه چې د مسافرو موټرې د سالنګ دواړه لوريو ته د بغلان ولايت په خنجان ولسوالۍ او د پروان په تاجکان سيمه کې درول شوي دي.
رجب وويل چې د هوا پيژندنې پر بنسټ دوى چمتوالى لري ترڅو د واورې ښويدنې(برفکوچ) څخه مخنيوې وکړي.
هغه وويل چې دا مهال په شمالي سالنګ کې ٧٥ سانتې متره او په جنوبي سالنګ کې ٨٠ سانتې متره واوره وريدلې ده.
هغه د يادې لارې له مسافرينو غوښتنه وکړه، تر هغه چې دغه ستونزه نه وي هواره شوي دوى نشي کولاى موټرو ته د تګ اجازه ورکړي نو بايد مسافرين بيرته خپلو کورونو ته ولاړ شي.
د سالنګ لويه لار پلازمينه کابل له شمالي ولايتونو سره نښلوي.
غړيYou need to subscribe to view the full article. Please login or register a new account.
