سرپل (پژواک، ٧ ورى ٩٦): د سرپل ولايت په صياد ولسوالۍ کې د ترافيکي پېښې له امله لس سيمه ييز پوليس او پاڅون کوونکي ټپيان شوي دي.
د صياد ولسوال تاج الدين پژواک خبري اژانس ته وويل چې دغه کسان تېره ورځ د دې ولسوالۍ له بلندغور سيمې څخه د ولسوالۍ مرکز ته روان و چې رېنجر موټر يې د ولسوالۍ مرکز ته څېرمه چپه شو.
هغه وويل چې څلور تنه ټپيان د جوزجان ولايت مرکز شبرغان ته د درملنې لپاره لېږدول شوي او شپږ نور د سرپل په ولايتي روغتون کې تر درملنې لاندې دي.
تاج الدين وايي چې له ټپيانو څخه يواځې د يو تن روغتيايي وضعيت د اندېښنې وړ دى.
هغه ونه ويل چې له ټپيانو څخه څو تنه سيمه ييز پوليس دي او څو تنه د دولت د وسله والو مخالفينو پر ضد د پاڅون کوونکو له ډلې دي.
غړيYou need to subscribe to view the full article. Please login or register a new account.
