کابل (پژواک، ٣ زمرى ٩٦): د کابل ښار د څلورمې امنيتي حوزې په مربوطات کې د تازه مېوې او سبزيجاتو مارکېټ کې دوه ساعته اورلګېدنې څه باندې لس ميليونه افغانۍ زيان يې اړولى دى.
د تازه مېوو او سبزيجاتو د مارکېټ يوه هټۍ وال الله محمد پژواک خبري اژانس ته وويل چې تر اوسه پورې د اورلګېدنې له امله ٣٥ هټۍ سوځېدلې، خو لامل يې لا هم نا څرګند دى.
د معلوماتو له مخې، اورلګېدنه نن غرمه د يوې هټۍ له بامه پيل شوه او وروسته په چټکۍ سره د مارکېټ نورو هټيو ته هم ورسېده.
د نوموړي په خبره، شل دقيقې وروسته اطفايه د پېښې ځاى ته ورسېده او له غرمې وړاندې ٢:٠٠ بجې يې اور کنټرول او مړ کړ.
د کسبګرو د ملي ټولنې مشر نورالحق نذير عمري د پېښې په ځاى کې خبريالانو ته وويل چې په دې پېښه کې سوداګرو ته څه باندې لس ميليون افغانۍ زيان اوښتى دى.
د څلورمې امنيتي حوزې امر مل پاسوال فاروق حساس د پېښې په ځاى کې رسنيو ته وويل چې تر اوسه د اور لګېدنې لامل نه دى څرګند شوى، خو څېړنې روانې دي.
هغه وويل چې په دې پېښه کې ځاني مرګ ژوبله نشته، خو د تازه مېوې او سبزيجاتو مارکېټ سوداګرو ته يې زيانونه اړولي دي چې کره شمېرې به يې وروسته څرګندې شي.
دا په داسې حال کې ده چې د تېر کال د زمري په ١٤مه نېټه هم د کابل ميرويس ميدان (کوټه سنګي) سيمه کې د اباسين ځدران مارکېټ کې د اور لګېدنې له امله شاوخوا ١٢٠٠هټۍ وسوځېدې او هټيوالو ته يې ١٧ميليونه زيان اړولى دى.
د دې تر څنګ د کابل ښار دويمه حوزې د لرګيو يوه مارکېټ کې د اور لګېدنې له امله يو نيم ميليون ډالر تاوان واوښت او شپېته هټۍ د اور خوراک شوې.
غړيYou need to subscribe to view the full article. Please login or register a new account.
