بیجنګ (پژواک، ١٣ وږی ۹۶) : د چین اوهندوستان په ګډون د برېکس هېوادونو سازمان په افغانستان کې د ترهګرۍ وروستۍ پېښې غندلي او دروانې جګړې د بندولو غوښتنه یې کړې ده.
برېکس د مخ پر ودې هېوادونو سازمان دی چې چین، هندوستان، روسیه، برازیل او سوېلي افریقا یې غړیتوب لري او په ۲۰۱۰ زیږدیز کال کې جوړ شوی دی.
د دغه سازمان نهمه سرمشریزه غونډه نن د چین د فیجیان ایالت په زیامین ښار کې جوړه شوه چې په کې د یادو هېوادونو مشرانو برخه اخیستې.
دوی د نورو علاقې وړ مسایلو ترڅنګ د افغانستان پر سولې او امنیت هم خبرې وکړې او وروستي ترهګریز بریدونه یې په کلکه وغندل.
د دغې غونډې په پای کې یوه اعلامیه خپره شوې چې په کې دافغان جګړې او تاوتریخوالي د ختمولو غوښتنه شوې ده.
سرچینې زیاته کړې : (( موږ له افغانانوسره د سولې او ثبات لپاره اوږه په اوږه ولاړ یو.))
د برېکس سازمان دغه راز دافغانستان اوافغانانو په مشرۍ دسولې او پخلاینې د پروسې او په دې برخه کې د نړیوالو هلو ځلو ملاتړ کړی دی.
دغه راز ياد سازمان دافغانستان په اړه د مسکو د غونډو، داستانبول پروسې، د اسیازړه کنفرانس او نورو هغو هڅوملاتړ کړی چې دافغان سولې لپاره تر سره کیږي.
د برېکس سازمان په اعلامیه کې د ترهګرو ډلو پر وړاندې د افغان ځواکونو د عملیاتو او هلو ځلو ستاینه شوې.
دوی په افغانستان او سیمه کې د طالبانو او نورو ترهګرو ډلو پر فعالیتونو اندېښنه څرګنده کړې ده.
غړيYou need to subscribe to view the full article. Please login or register a new account.
