جلال اباد (پژواک ٢٠ وږى ٩٦): د کابل ـ جلال اباد د لويې لارې په اوږدو کې د دوو موټرو د ټکر له امله يو تن مړ شوى او نهه نور ټپيان شوي دي.
د لغمان د والي وياند سرحدي ځواک پژواک خبري اژانس ته وويل، چې نن مازیګر شاوخوا شپږ بجې د کابل ـ جلال اباد پر لویه لاره د ورېښمین تنګي د استحکام پله ته څېرمه یو ټیلر او یو مارسیډیز موټر سره جنګېدلي دي.
ده زياته کړه، د موټرو د ټکر له امله د مارسیډیز موټرچلوونکى مړ شوى او نهه تنه سپرلۍ ټپيان شوي دي.
د ځواک په وينا، د زخمیانو له ډلې څلور تنه سروبي او پاتې پنځه نور یې ننګرهار ته لېږدول شوي دي.
دى وايي، د ټیلر موټر ډریور له سیمې تښتېدلى او موټر دواړه په سیمه کې دي؛ خو د محل پولیس او ترافیک هم د پېښې د څېړلو په موخه سیمې ته رسېدلي دي.
غړيYou need to subscribe to view the full article. Please login or register a new account.
