کندهار ښار (پژواک، ٢٢ لړم ٩٦): په کندهار ښار کې د يوې ترافيکي پېښې له امله پنځه کسان مړه او لسګونه نور ټپيان شوي دي.
د کندهار د والي وياند قدرت الله خوشبخت د لړم په ٢٢مه پژواک خبري اژانس ته وويل چې دا پېښه نن سهار شاوخوا شپږ بجې د کندهار- هرات پر لويه لاره د پنجوايي ولسوالۍ اړوند د شاه اغا دورايي په څلورلاره کې رامنځته شوه.
هغه زياته کړه چې له هرات څخه کندهار ته روان يو ٣٠٣ موټر د چلوونکي د بې احتياطۍ له امله چپه شوى دى.
خوشبخت وايي چې په دې پېښه کې پنځه کسان مړه او ٣٧ نور ټپيان شوي او زیاتوي چې ټپيان ميرويس روغتون ته لېږدول شوي دي.
د ميرويس روغتون يوه نوکريوال ډاکتر پژواک ته وويل چې له ټپيانو څخه يې ٢٢ تنه تر لومړنۍ درملنې وروسته رخصت شوي او ١٥ نور اوس هم تر درملنې لاندې دي.
سرچينې د پاتې ټپيانو روغتيايي حالت د ډاډ وړ وباله.
د يادونې وړ ده، پر کابل - کندهار او کندهار - هرات لويه لاره ډېری وخت ترافيکي پېښې رامنځته کېږي چې له امله يې سلګونو هېوادوالو ته هر کال مرګ ژوبله اوړي.
غړيYou need to subscribe to view the full article. Please login or register a new account.
