کابل(پژواک،٢٩لړم٩٦):د ولسي جرګې لومړى مرستيال د يادې شوې جرګې له نننۍ غونډې څخه د وتلو لامل د جرګې په ناسته کې د دارالانشا د مشر شتون وباله چې پخوا د دارالانشا مشر څارنوالۍ ته ور معرفي شوى و او بايد په ناسته کې يې ګډون نه واى کړى.
د ولسي جرګې لومړي مرستيال همايون همايون وويل:" حقيقت موندونکي کمېسيون د دارالانشا د مشر په اړه پخوا خپله پرېکړه اعلان کړه؛ خو له دې سره سره د دارالانشا مشر اوس هم په غونډه کې ګډون لري او دا زما لپاره د منلو نه ده."
هغه د دارالانشا پر مشر تور ولګاوه چې هره ورځ خپلې دندې ته راځي او د ارشيف په اسنادو کې لاس وهي چې دا د قانون خلاف کار دى.
هغه له دې وروسته له غونډې څخه ووت.
دا په داسې حال کې ده چې ولسي جرګې د لړم په ٢٠مه د حاضرو استازو د رايو په اکثريت سره لويې څارنوالۍ ته ددغې جرګې د دارالانشا د مشر د ور معرفي کېدو په اړه د جرګې پخوانۍ مصوبه رد کړه؛ خو ځينو استازو دغه پرېکړه د قانون خلاف وبلله.
غړيYou need to subscribe to view the full article. Please login or register a new account.
