ننګرهار کې اور لګېدنې څلورو کسانو ته مرګ ژوبله اړولې

جلال اباد (پژواک، ۱۵ کب ۹۶): ننګرهار کې د تېلو يو ټانکر کې د اور لګېدنې له امله دوه کسان مړه شوي او دوه نور ټپيان دي.

دغه راز د ټانکر اور نږدې هټيو ته اوښتی او له امله يې شاوخوا دېرش هټۍ هم سوځېدلې دي.

د ننګرهار د والي ویاند عطاالله خوږياڼي د کب په ۱۵مه پژواک ته وويل چې نن سهار شاوخوا شپږ نيمې بجې د تورخم- جلال اباد پر لويه لاره د بهسودو ولسوالۍ اړوند د رينګ روډ دوه سرکې سيمه کې د تېلو يو ټانکر اور اخيستی دی.

هغه وايي، اور په ټانکر پسې د نښلول شوي مقناطيسي ماين د چاودنې له امله لګېدلى دى.

نوموړی وايي، د دغه اورلګېدنې له امله دوه تنه وژل شوي او دوه نورسخت ټپيان دي.

خوږياڼي زياته کړه، د اور لمبې نږدې دوکانونو ته هم رسېدلې چې له امله يې له ۳۰ زياتو هيټيو اور  اخيستی او ميليونونه افغانۍ زيان يې ور اړولی دی.

په ورته وخت کې د ننګرهار د اور وژنې امر سمونيار فضل الهادي پژواک ته وويل چې د پېښې له رامنځته کېدو سره سم اور وژنې ډله سيمه ته رسېدلې او د اوو بجو په شاوخوا کې اور مهار شوی دی.

په دې اړه به نور معلومات وروسته خپاره شي.

غړي

You need to subscribe to view the full article. Please login or register a new account.