کابل (پژواک، ٢٠ کب ٩٦): د روغتيايي چارو په اړه د عامه پوهاوي کچې د لوړولو او د نارغيو په هکله د خلکو د پوهاوي په موخه د "چراغ" په نوم لومړى خصوصي تلوېزيون نن په رسمي ډول خپل فعاليت پيل کړ.
د ياد تلوېزيون مشر چراغ علي چراغ وويل،دا په هېواد کې لومړنى خصوصي تلوېزيون دى چې د چراغ لوړو زده کړو موسسې د خپرندويه عنوان په توګه يې نن په رسمي ډول خپل فعاليت پيل کړ.
نوموړي زياته کړه، دغه تلوېزيون د عامې روغتيا په برخه کې کار کوي او موخه يې طبي روزنه او له ناروغيو مخنيوى دى.
د حکومت اجراييه رييس ډاکټر عبدالله عبدالله، د دغه تلوېزيون د فعاليت په اړه د تلوېزيون مسوولينو او د هېواد د رسنيو ټولنې ته مبارکي وړاندې کړه او زياته يې کړه، د ياد تلوېزيون پرانېسته يو غوره ګام دى او هيله ده چې دغه رسنۍ په هېواد کې د مثبت بدلون لامل شي.
د نى دفتر اجراييه مشر عبدالمجيب خلوتګر چې د ياد تلوېزيون د پرانېستې په مراسمو کې د ويډيو له لارې خبرو کې وويل، چراغ تلوېزيون بايد په يوه ډاکټر بدل نه شي، بلکې په ټولنه کې د يوه روغتيايي سلاکار په توګه دنده ترسره کړي.
دغه راز د لوړو زده کړو وزارت وزير نجيب الله خواجه عمري هم په يوه ويډيويي وينا کې وويل، د ياد تلوېزيون خپرونې يو غوره او پرځاى ګام دى چې پروګرامونه يې د خلکو د روغتيا او عامه فکرونو په برخه کې غوره رول لوبولى شي.
د عامې روغتيا وزير فيروزالدين فيروز هم د خپلو خبرو پر مهال وويل، د ناروغيو په اړه پوهاوى له ډېرو ناروغيو د مخنيوي لامل کېدلى شي او په دغه برخه کې د ياد تلوېزيون رول ډېر مهم او با ارزښته دى.
غړيYou need to subscribe to view the full article. Please login or register a new account.
