کابل (پژواک، ٢٠ کب ٩٦): چين وايي چې د منځنۍ اسيا ځيني هېوادونه له افغانستان سره د اورګاډي ليکې په وسيله د سوداګرۍ پر وړاندې خنډ دي.
دغه څرګندونې په افغانستان کې د چين سفير سپين لو جينګ سون (Liu Jingson) د کب په ٢٠مه د چين په سفارت کې د يوې غونډې پر مهال کړې دي.
په دې غونډه کې د ځينو سياسي ګوندونو او مدني ټولنې غړو برخه اخيستې وه.
د چين سفير وويل، هېواد يې غواړي چې د افغانستان په شمال کې د اورګاډي پټلۍ تېرولو ته زمينه برابره کړي.
د هغه په وينا، ډېر ژر به د چين د اورمچي سوداګريزه سيمه د افغانستان له شمالي ولايتونو سره د سړک او اورګاډي له لارې ونښلول شي.
د يادونې ده، تېر کال د افغانستان او چين تر منځ د اورګاډي په وسيله سوداګريزې چارې پيل شوې وې، خو له يو دوو سفرونو وروسته دا لړۍ ودرول شوه.
دغه سوداګري د چين او منځني اسياهېوادونو له لارې د افغانستان له بلخ ولايت سره پيل شوې وه، خو بيا تر نامعلوم وخت پورې وځنډېده.
د چين سفير جينګ سون وويل چې د منځنۍ اسيا ځيني هېوادونه نه غواړي چې افغانستان دې له چين څخه د توکو تر واردولو وروسته له دغه ځايه چين ته توکي صادر شي.
خو هغه د کوم هېواد نوم وانخيست او نه يې هم په دې اړه نور جزئيات ورکړل.
نوموړي دغه راز د افغانستان د سولې له پروسې سره د خپل هېواد د مرستې او همکاريو ژمنه تازه کړه.
ده زياته کړه چې دوى به په دې برخه کې خپلې مبارزې ته ادامه ورکوي څو په افغانستان کې تلپاتې سوله رامنځته شي.
د چين سفير دغه راز وويل چې افغان محصلينو او ژورنالېستانو ته به د زده کړو زمينه برابروي او په راتلونکي کې به دا بورسونه زياتوي.
د هغه په وينا، اوسمهال دوى افغانانو ته د يوې مياشتې ويزه ورکوي، خو په پلان کې لري چې دا موده څو مياشتو ته زياته کړي.
غړيYou need to subscribe to view the full article. Please login or register a new account.
