غزني ښار(پژواک،٢٠ورى٩٧): غزني کې د ترافيکي پېښې له امله يو تن مړ شوى او د دوه ښځو په ګډون ١٢ کسان ټپيان دي.
د غزني د ترافيکو مدير احمد الله احمدي د وري په ٢٠مه پژواک خبري اژانس ته وويل چې نن له مخکې په خواجه عمري ولسوالۍ کې يو سراچه موټر له يو تونس سره ټکر کړى دى.
هغه وايي چې په دغه پېښه کې د سراچې موټر چلوونکى مړ شوى او د دوه ښځو په ګډون ١٢ نور کسان ټپيان دي.
دغه راز د غزني د حوزوي روغتون يوې سرچينې پژواک ته وويل چې له دغې پېښې څخه روغتون ته يو جسد او اته ټپيان ور وړل شوي دي.
هغه وايي: (( د ټپيانو روغتيايي وضعيت ښه نه و، نو کابل ته مو ولېږل.))
د يادونې ده چې ډېرى مهال داسې پېښې د موټر چلوونکو د بې احتياطۍ او سړک د خرابوالي له امله رامنځته کيږي.
غړيYou need to subscribe to view the full article. Please login or register a new account.
