د کابل قره باغ کې ترافيکي پېښې شپږ کسانو ته مرګ ژوبله اړولې

چاريکار (پژواک، ٧ غويى ٩٧) : د کابل په قره باغ ولسوالۍ کې د ترافيکي پېښې له امله يو تن مړ او ٥ تنه ټپيان شوي دي.

د قره باغ ولسوال محمد عظيم د غويي په ٧مه، پژواک خبري اژانس ته وويل چې دا پېښه نن سهار په پنځو بجو د ولسوالۍ د اکاخېل په سيمه کې رامنځته شوې ده.

هغه زياته کړه، د سپرليو يو ٣٠٤ موټر چې له کابل څخه د شمال پر لوري روان و، په ياده سيمه کې لومړى له زرنج او بيا له فلاينګ کوچ موټر سره يې ټکر کړى دى.

د ولسوال په وينا، په دې پېښه کې يو تن مړ او پنځه تنه نور ټپيان شوي دي.

دى وايي چې څلور ټپيان د کابل روغتونونو ته لېږدول شوي او يو تن د قره باغ ولسوالۍ په کلينيک کې تر درملنې لاندې دى.

غړي

You need to subscribe to view the full article. Please login or register a new account.