کندوز کې د هاموې موټر چپه کېدو له امله دوه پولیس مړه شوی

کندوز ښار (پژواک، ٧ زمرى ٩٧): کندوز ولايت کې د يوې ترافيکي پېښې له امله دوه پوليس مړه شوي او شپږ نور ټپيان شوي دي.

د کندوز د ترافيکو مديريت د حادثاتو امر محمد ياسين د زمري په اوومه پژواک خبري اژانس ته وويل چې نن له غرمې مخکې شاوخوا نهه بجې د عامه نظم يو هاموې ټانک چې له کندوز ښار څخه د ابدان دښتې پر لور روان و، د لارې په اوږدو کې د بې احتياطۍ له امله چپه شوى دى.

هغه وايي چې په دې پېښه کې دوه د عامه نظم پوليس مړه شوي او شپږ نور پوليس ټپيان دي او ټانګ يې هم تخريب شوى دى.

دغه راز د کندوز د حوزوي روغتون سرطبيبې مرضيې يفتلي پژواک ته وويل چې په له دې پېښې څخه دوه مړي او شپږ ټپيان دوى ته انتقال شوي دي.

هغې وويل چې د ځينو ټپيانو روغتيايي حالت د انديښنې وړ دى.

غړي

You need to subscribe to view the full article. Please login or register a new account.