هرات (پژواک، ١٤ تله ٩٧): په هرات ښار کې د ترافیکي پېښې له امله درې کسان چې ایران ته روان وو، مړه شوي او اته نور ټپیان دي.
د هرات د حوزوي روغتون سرطبیب، ډاکتر عارف جلالي پژواک ته وویل چې دغه ترافیکي پېښه تېره شپه د هرات ـ اسلام کلا پر لویه لار رامنځته شوې ده.
د جلالي په خبره، د یادې پېښې ټپیان چې ټول سړي دي د سرپل، تخار، بادغيس فراه، او هرات ولایتونو اوسېدونکي وو.
هغه زیاته کړه چې د یوه ټپي روغتیايي حالت نازک دی.
د ډاکتر جلالي د معلوماتو له مخې، د یادې پېښې د ټپیانو هویت نه دی په ډاګه شوی.
په ورته وخت کې د هرات د پولیسو د مطبوعاتي امریت سرپرست سید احمد محمدي پژواک ته وویل، تېره شپه نهه بجې یوه مسافر وړونکې کرولا له هرات ښار څخه د اسلام کلا په لور روانه وه چې د زنده جان ولسوالۍ په رباط پریان سیمه کې یې له یوه زرنج موټرسایکل سره ټکر کړی دی.
د محمدي په خبره، په دې پېښه کې اووه کسان ټپیان دي.
هغه د درې کسانو له وژل کېدو بې خبري وښوده.
ویل کېږي چې د پېښې وژل شوي او ټپیان د ایران پر لور روان وو.
غړي
You need to subscribe to view the full article. Please login or register a new account.
