واشنګټن (پژواک، د مرغومي لومړۍ نېټه ٩٧): سپينې ماڼۍ له افغانستانه د امريکايي سرتېرو د ايستلو په اړه له څه ويلو ډډه کوي، بلخوا امريکايي وکيلانو په دې اړه سخت غبرګونونه ښودلي دي.
پرون ځينو امريکايي رسنيو د ولسمشر ټرمپ د نږدې سرچينو په حواله خبر ورکړى و چې ممکن په نـږدې راتلونکي کې له افغانستانه ٧زره امريکايي سرتېري و ايستل شي، اوس مهال په افغانستان کې شاوخوا ١٤زره امريکايي سرتېري مېشت دي.
په سپينه ماڼۍ کې د امريکا د ملي امنيت شورا وياند ګاريټ مرقيوس پژواک خبري اژانس ته وويل چې دوى اوسمهال په دې اړه څه نه شي ويلى.
هغه زياته کړه: ((موږ د افغانستان په اړه د راتلونکو پرمختګونو په اړه څه نه شو ويلى.))
بلخوا د امريکا د کانګرېس د وسله والو ځواکونو کمېسيون مشر ماک تروبوري د ټرمپ پر یادې ممکنه پرېکړې سختې نيوکې کړې دي.
نوموړي زياته کړې چې په دې اړه له خپرو شوو خبرونو سخت اندېښمن شوى دی.
دغه امريکايي وکيل ويلي: ((د نيمايي سرتېرو له ايستلو سره به هلته د پاتې کېدونکو امريکايي سرتېرو ژوند له ګواښ او هغوى به د ځان ساتنه کې له ستونزو سره مخ شي.))
د هغه په وينا، که چېرې امريکا دغه کار وکړي، نو نور متحدين به هم د خپلو سرتېرو پر ايستلو غور کوي او دغه کار به د نا امنۍ لامل شي.
د امريکا د کانګرېس د وسله والو ځواکونو د کمېسيون مشر وايي چې امريکايي او نړيوال ځواکونه په افغانستان کې د افغان ځواکونو د روزنې لپاره فعاليت کوي، که چېرې دوى ووځي، نو القاعده، داعش او نورې ترهګرۍ ډلې به يو ځل بيا پر امريکا او متحدينو بريدونه پيل کړي.
غړيYou need to subscribe to view the full article. Please login or register a new account.
