په سمنګان کې د ترافیکي پېښې له امله پنځو کسانو ته مرګ ژوبله اوښتې

ایبک (پژواک،١٤ کب ٩٧): د سمنګان په مرکز ایبک کې د یوه کرولا موټر د چپه کېدو په پېښه کې درې کسان مړه او دوه نور ټپیان شوي دي.

د سمنګان د امنیې قوماندانۍ د ترافیکو مدیریت د پېښو امر سید مسعود د یاد خبر تر څنګ پژواک خبري اژانس ته وویل، دغه موټر چې تېره شپه له بغلانه ایبک ته د راتلو پر مهال د ایبک درې په پل قچن سیمه کې د پله له کټارې سره ټکر شوی او د پله لاندې لس متره ژور لوېدلی دی.

هغه د دې پېښې لامل د موټر ګړندی تګ او د موټرچلوونکي بې احتیاطي بولي.

د سمنګان ولایتي روغتون د بېړنۍ خونې نوکریوال ډاکتر مقبل عزیزي پژواک خبري اژانس ته وویل، له دې پېښې ورته درې جسدونه او دوه ټپیان راوړل شوي خو ټپیان د زیاتې درملنې لپاره د بلخ ولایت حوزوي روغتون ته انتقال شوي دي.

هغه وايي، یاد پنځه کسان د ۲۰ او ۲۵ کلونو تر منځ عمرونه لري او د سمنګان د مرکز ایبک ښار اوسېدونکي دي.

غړي

You need to subscribe to view the full article. Please login or register a new account.