چاريکار: (پژواک، ١٢ ورى ٩٨): د پروان ولايت په جبل سراج ولسوالۍ کې دوو لېوني سپيو د ښوونځي د ١٣ زده کوونکو په ګډون ٢٠ کسان داړلي دي
د جبل سراج ولسوالۍ د سرخ کلا سيمې يوه اوسېدونکي حاجي زلمي پژواک اژانس ته وويل چې درې ماشومان، څلور سړي او ١٣ زده کوونکي د داړل شوو په ډله کې دي.
هغه زياته کړه چې د ښوونځي ياد زده کوونکي يې ښوونځي ته د تګ پر مهال داړلي دي.
د هغه د معلوماتو له مخې، دغه شل کسان د يادې ولسوالۍ د سرخ کلا، صحرا کلا، ميان ګذر، ګذر پايين، ګلبهار او ده بالا کليو اوسېدونکي دي.
د نوموړي په خبره چې داړل شوي کسان د درملنې په موخه کابل او د پروان روغتيايي مرکز ته وړل شوي دي.
د ده په وينا، لېوني سپي تر اوسه (نن غرمې) پورې نه دي وژل شوي او سرخ کلا غرو ته تښتېدلي دي.
د جبل سراج ولسوال سیف الله بیدار وويل چې د شپږو کسانو له داړل کېدو خبر شوى او يوه ډله يې ګومارلې چې دغه سپي له منځه يوسي.
غړيYou need to subscribe to view the full article. Please login or register a new account.
