په وسله واله جګړه کې د ملکي وګړو د ساتنې په اړه درې میاشتنی راپور د جنوري له لومړۍ څخه د مارچ تر ۳۱ نېټې پورې

د ۲۰۱۹ کال په لومړۍ ربع (لومړیو دریو میاشتو) کې په افغانستان کې د ملګرو ملتونو مرستندویه پلاوي (یوناما)له وسله والې جګړې په پایله کې ملکي وګړو ته د لوړې کچې زیان په دوام داره ډول مستند کړی. د ۲۰۱۹ د جنوري له لومړۍ څخه د مارچ تر ۳۱ نېټې پورې، یوناما د ماشومانو ۵۸۲ تلفاتو ( ۱۵۰ مړه او ۴۳۲ ټپیان) په ګډون، ۱۷۷۳ ملکي تلفات ( ۵۸۱ مړه او ۱۱۹۲ ټپیان) مستند کړي. دغه شمیرې د تیر کال د ورته مودې په پرتله په عمومي ملکي تلفاتو کې ۲۳ سلنه کموالی او له ۲۰۱۳ راهیسې په لومړۍ ربع کې تر ټولو کم شمیر ملکي تلفات ښیی.