ډيلی (پژواک، ٢٨ غبرګولی ۹۸) يو هندي چارواکى وایي، افغانستان له پاکستان وروسته ډېرې سوداګریزې اړیکې له هند سره لري او چابهار بندر د افغانستان او هند د سوداګریزو اړیکو د پياوړتیا او دوام ښه وسیله ده.
د هند د صادراتو او وارداتو بانک مرستیال دیباسیش ملک (Debasish Mallik) تېره ورځ په ممبيي ښار کې هند ته له ورغلو افغان خبریالانو سره د لیدنې پر مهال وویل چې دغه بانک په تېرو څو کلونو کې د افغانستان له حکومت سره شاوخوا اووه میلیونه امریکایي ډالره مرسته کړې ده.
هغه وویل، له دې سره- سره چې هند ډېرې سوداګریزې اړیکې له امریکا او چین سره لري، خو د سارک سازمان په حوزه کې يې افغانستان پنځم لوی سوداګریز ملګری هېواد دى.
دى زیاتوي چې افغانستان او هند ډېرې پخوانۍ سیاسي، ټولنيزې او اقتصادي اړیکې لري او د ايران چابهار هغه سوداګریز بندر دی چې له لارې به یې دغه اړیکې لا نورې هم پياوړې شي.
هغه د ایران او امریکا اړیکو ته په پام وویل: "هند د چابهار پر سوداګریز بندر ډېره پانګونه کړې او له نېکه مرغه د امریکا له هغو اقتصادي تحریمونو استثنا لري، کوم چې امریکا پر ایران لګولي دي."
د ده په وینا، هند کرنیزو توکی ته هم اړتیا لري او افغان سوداګر کولای شي دغه توکي تر هنده ورسوي.
غړيYou need to subscribe to view the full article. Please login or register a new account.
